రాజకీయం

స్థానిక సంస్థల ఎన్నికలకు సిద్ధంగా ఉన్నాం: చంద్రబాబు

అమరావతి: స్థానిక సంస్థల ఎన్నికలకు సిద్ధంగా ఉన్నట్లు ఏపీ సీఎం చంద్రబాబు వెల్లడించారు. కూటమి అభ్యర్థుల గెలుపు బాధ్యత ఇన్‌ఛార్జ్‌ మంత్రులదేనని స్పష్టంచేశారు. రాష్ట్ర మంత్రివర్గ సమావేశం ముగిసిన తరువాత సహచర మంత్రులతో సీఎం ప్రత్యేకంగా భేటీ అయ్యారు. నవంబర్‌ 15 నాటికి ఎన్నికలు పూర్తి చేసి, రెగ్యులర్‌ పాలనలోకి వెళ్లాలన్నారు. స్థానిక ఎన్నికల్లో 100శాతం గెలవాల్సిందేనని చెప్పారు. మంత్రులు మరింత చురుగ్గా ఉండటంతోపాటు, కూటమి అభ్యర్థుల విజయానికి ఏవిధంగా ముందుకెళ్లాలన్న దానిపై దిశానిర్దేశం చేశారు.

MUNI SWAMY· 4 రోజుల క్రితం

రాజకీయం

చిన్న శ్రీనుకు...పెద్ద చిక్కే !

---అరకు లోక్‌సభ నియోజకవర్గం పరిశీలకుడిగా నియామకం---స్థానిక సంస్థల ఎన్నికల్లో నిరూపించుకుంటే (న్యూస్ వన్ ప్రత్యేక ప్రతినిధి )సీనియర్ రాజకీయ నేత మజ్జి శ్రీనుకు టీడీపీ హైకమాండ్ కీలక బాధ్యతలు అప్పగించింది. ఆయన్ని అరకు లోక్‌సభ నియోజకవర్గం పరిశీలకుడిగా నియమించింది. పార్టీలో చేరిన నెలరోజులకు శ్రీనుకు ఈ పదవి అప్పగించడం వెనుక టీడీపీ అసలు ప్లాన్ ఏంటి? ఈ నియోజకవర్గం టీడీపీకి మొదటి నుంచి తల నొప్పిగా తయారు అయ్యిందా? ఈ క్రమంలో దాని వ్యవహారాలను ఆయనకు అప్పగించారా? మరి స్థానిక సంస్థల ఎన్నికల్లో ఆయన తన పట్టు నిలుపుకుంటారా? అన్నది ఆసక్తికరంగా మారింది.విజయనగరం సీనియర్ రాజకీయ నేత మజ్జి శ్రీనుకు సీఎం చంద్రబాబు కీలక బాధ్యతలు అప్పగించారు. ఆయన్ని అరకు లోక్‌సభ నియోజకవర్గ పార్టీ పరిశీలకుడిగా నియమించారు. ఈ మేరకు టీడీపీ ఏపీ అధ్యక్షుడు పల్లా శ్రీనివాసరావు ఓ ప్రకటన విడుదల చేశారు. పార్టీ అధినేత చంద్రబాబు ఆదేశాల మేరకు ఈ నిర్ణయం తీసుకున్నట్లు ప్రస్తావించారు. పార్టీలో చేరిన నెల రోజులకు మజ్జి శ్రీనును ఈ పదవిలో నియమించారు. విజయనగరం నుంచి తప్పించి, ఆయనకు అరకు ఎందుకు ఇచ్చారన్నది అసలు ప్రశ్న. ఉమ్మడి ఏపీలో అరకు నియోజకవర్గం టీడీపీ కంచుకోట.అరకు లోక్‌సభ నియోజకవర్గం పరిశీలకుడిగా నియామకంరాష్ట్ర విభజన తర్వాత టీడీపీ మొదటి నుంచి ఓటమి ఎదురైన నియోజకవర్గాల్లో అరకు లోక్‌సభ సీటు ఒకటి. విజయనగరం జిల్లాలోని చాలా భాగం అరకు లోక్‌సభ నియోజకవర్గం పరిధిలోకి వస్తుంది. శ్రీను రంగంలోకి దింపితే బావుంటుందని భావించింది టీడీపీ హైకమాండ్. అక్కడ దిగువ స్థాయి నుంచి నేతలను బలోపేతం చేస్తే.. రానున్న లోక్‌సభ ఎన్నికల్లో అరకు సీటు గెలవడం ఈజీ అవుతుందన్నది టీడీపీ అంచనా. ఈ క్రమంలో ఆయనకు బాధ్యతలు అప్పగించినట్టు సీనియర్ల మాట. ఈ పదవిపై అధికారిక ప్రకటన రాకముందు శ్రీను రంగంలోకి దిగేశారు. ఏజెన్సీకి చెందిన కీలక నేతలతో వరసగా సమావేశాలు మొదలు పెట్టేశారు. ఇటీవల పాలకొండ టీడీపీ నియోజకవర్గ ఇన్‌ఛార్జ్‌ భూదేవితో స్థానిక సంస్థల ఎన్నికల గురించి చర్చించారు. అరకు లోక్‌సభ నియోజకవర్గంలోకి వచ్చే నేతలతో సమావేశాలు నిర్వహించారు.ఆయా నియోజకవర్గాల్లో శ్రీనుకు పరిచయాలు ఉండడంతో ఈసారి అరకు సీటు టీడీపీ జెండా ఎగురువేయాలన్నది ఆ పార్టీ ఆలోచనగా కనిపిస్తోంది. మూడు ఎన్నికల్లో అరకు సీటును వైసీపీ గెలుస్తూ వస్తోంది. ఆ పార్టీకి బలమైన కేడర్ ఉందని స్థానికుల మాట. రాష్ట్రంలో 28 జిల్లా పరిషత్ లుంటే అరకు పార్లమెంట్‌లో మూడు జిల్లా పరిషత్‌లు ఉన్నట్లు ఓ లెక్క. పార్వతీపురం మన్యం జిల్లా, అల్లూరి సీతారామరాజు జిల్లా, పోలవరం జిల్లా పరిషత్‌ కూడా అందులోకి వస్తుందని అంటున్నారు. స్థానిక సంస్థల ఎన్నికల వేళ అరకు లోక్‌సభ అబ్జర్వర్‌గా శ్రీనుకు నియమించడం పెద్ద టాస్క్ అని అంటున్నారు. చిన్న శ్రీను రంగంలోకి దిగడంతో స్థానిక సంస్థల ఎన్నికల్లో మంచి ఫలితాలు వస్తాయన్నది టీడీపీ ఆలోచన. మొత్తానికి టీడీపీ అధినేత చంద్రబాబు చాలా జాగ్రత్తగా అడుగులు వేస్తున్నారని చెప్పవచ్చు.

STATE BEURO · 4 రోజుల క్రితం · Andhra Pradesh, Visakhapatnam

రాజకీయం

కాంగ్రెస్, కాక్రో‌చ్‌లపై బీజేపీ ఫైర్..!

న్యూ ఢిల్లీ ; ఎన్నికల్లో అక్రమాలు జరిగాయని ప్రతిపక్షాలు, కాక్రోచ్ జనతా పార్టీ(సీజేపీ) ఢిల్లీలో నిరసనలు చేపడుతున్న తరుణంలో బీజేపీ తీవ్రస్థాయిలో విమర్శలు గుప్పిస్తోంది. దేశంలో అరాచకాలను ప్రేరేపించే ప్రయత్నాలను ప్రజాస్వామ్యం అడ్డుకుందని బీజేపీ ఎంపీ, అధికార ప్రతినిధి రవిశంకర్ ప్రసాద్ అన్నారు. ‘‘దేశాన్ని పార్లమెంట్ పాలిస్తుంది తప్పా వీధులు కాదు’’ అని అన్నారు.ఈ సందర్భంగా శనివారం మీడియాతో మాట్లాడిన ఆయన.. ప్రధాని నరేంద్ర మోడీ నాయకత్వంలో భారత్ ఎప్పుడూ తలవంచలేదని, భవిష్యత్తులోనూ తలవంచేది లేదని అన్నారు. ఎన్నికల సంఘం చేపట్టిన ఎస్ఐఆర్ ప్రక్రియ, ప్రధాన ఎన్నికల కమిషనర్ (CEC) జ్ఞానేశ్ కుమార్‌ను ఆయన సమర్థించారు. గత మూడు రోజులుగా, శనివారం చోటుచేసుకున్న పరిణామాలను ప్రస్తావిస్తూ.. భారత ప్రజాస్వామ్యం అరచకాలను ప్రేరేపించే ప్రయత్నాలను అడ్డుకుందని, దేశాన్ని పార్లమెంటే పాలిస్తుందని స్పష్టం చేశారు.ఈ నిరసనలు జరుగుతున్న సమయంలో పశ్చిమ బెంగాల్, అస్సాం, పుదుచ్చేరిలో బీజేపీ గెలిచిన విషయాన్ని రవిశంకర్ ప్రస్తావించారు. ఢిల్లీలో ఆందోళనలు జరుగుతున్న సమయంలోనే ఈ ఫలితాలు వచ్చాయని అన్నారు. ప్రతిపక్షాల ఆందోళనల్ని ‘‘అరాచక ఉద్యమం’’గా అభివర్ణించారు. ‘‘తాము నిరసనలకు వ్యతిరేకం కాదని, కానీ ఎన్నికల్లో ఓటముల కారణంగా మీరు వీధి పోరాటాను ఆయుధంగా మార్చుకున్నారు’’ అని కాంగ్రెస్‌ను ఉద్దేశించి ఆగ్రహం వ్యక్తం చేశారు.

SWETHA SINGH · 4 రోజుల క్రితం

రాజకీయం

ఢిల్లీలో హైటెన్షన్.. అదుపులోకి మమతా, కేజ్రీవాల్, విజయన్.!

న్యూ ఢిల్లీ :ఢిల్లీలో జంతర్ మంతర్ వద్ద కాక్‌రోచ్ జనతా పార్టీ (CJP) చేపట్టిన నిరసనకు మద్దతు తెలిపేందుకు వెళ్తున్న పలువురు ప్రతిపక్ష నేతల్ని పోలీసులు శనివారం అదుపులోకి తీసుకున్నారు. పశ్చిమ బెంగాల్ మాజీ సీఎం, టీఎంసీ అధినేత్రి మమతా బెనర్జీ, ఢిల్లీ మాజీ సీఎం, ఆప్ చీఫ్ అరవింద్ కేజ్రీవాల్, కేరళ మాజీ సీఎం పినరయి విజయన్‌లతో పాటు పలువురు విద్యార్థి నేతల్ని పోలీసులు అదపులోకి తీసుకుని అక్కడి నుంచి తరలించారు.మమతా బెనర్జీ తన పార్టీకి చెందిన ఎంపీలతో కలిసి సెంట్రల్ ఢిల్లీలోని సౌత్ అవెన్యూ ప్రాంతానికి చేరుకున్నారు. పోలీసులు ఆమెను ముందుకు వెళ్లకుండా అడ్డుకోవడంతో అమె అక్కడే బస్టాప్‌లో కూర్చుని నిరసన తెలిపారు. టీఎంసీ ఎంపీలు డెరెక్ ఓబ్రియిన్, దోల్ సేన్ సహా ఐదుగురిని పోలీసులు అదుపులోకి తీసుకుని బస్సులో తరలించారు. ప్రభుత్వం తమతో అనుచితంగా వ్యవహరిస్తోందని, ప్రజల గొంంతుకను నొక్కేస్తోందని, ఇండియా కూటమి పోరాటాన్ని కొనసాగస్తుందని మమతా అన్నారు.మరోవైపు, నిరసనల్లో పాల్గొనేందుకు వెళ్తున్న అరవింద్ కేజ్రీవాల్‌ను ఇంటి బయట నుంచే అదుపులోకి తీసుకున్నారు. పినరయి విజయన్, సీపీఎం ఎంపీ జాన్ బ్రిట్టాస్‌లను కూడా పోలీసులు అదుపులోకి తీసుకుని ఛత్రసాల్ స్టేడియంలోని డిటెన్షన్ సెంటర్‌కు తరలించారు.

SWETHA SINGH · 4 రోజుల క్రితం

రాజకీయం

పాకిస్థాన్‌కు చేరిన బొద్దింకల ట్రెండ్ !

పాక్‌లో "కాక్‌రోచ్" పేరుతో కొత్త పార్టీలుపాకిస్థాన్‌ : సోషల్ మీడియాలో బొద్దింకల ట్రెండ్ మామూలుగా లేదు! ఒకప్పుడు కేవలం వ్యంగ్యం కోసం పుట్టిన ఒక చిన్న ఆలోచన.. ఇప్పుడు దేశాల సరిహద్దులు దాటి ఒక భారీ పొలిటికల్ మూవ్‌మెంట్‌లా మారుతోంది. భారతదేశంలో సంచలనం సృష్టిస్తున్న ‘కాక్‌రోచ్ జనతా పార్టీ’ స్ఫూర్తితో.. ఇప్పుడు పొరుగుదేశం పాకిస్థాన్‌లోనూ ‘కాక్‌రోచ్ అవామీ పార్టీ’ ‘కాక్‌రోచ్ అవామీ లీగ్’ వంటి గ్రూపులు పుట్టుకొచ్చాయి. భారత సుప్రీంకోర్టు ప్రధాన న్యాయమూర్తి జస్టిస్ సూర్యకాంత్.. నిరుద్యోగ యువత చేస్తున్న కొన్ని ఉద్యమాలను ఉద్దేశించి “బొద్దింకలు”, “పరాన్నజీవులు” అని వ్యాఖ్యానించినట్లు వచ్చిన వార్తల ఆధారంగా మే నెల మధ్యలో ఈ ‘కాక్‌రోచ్ జనతా పార్టీ’ తెరపైకి వచ్చింది. ఆ తర్వాత సీజేఐ దీనిపై వివరణ ఇచ్చినప్పటికీ, అప్పటికే సోషల్ మీడియాలో తుఫాన్ మొదలైపోయింది.అమెరికాలో పబ్లిక్ రిలేషన్స్ గ్రాడ్యుయేషన్ పూర్తి చేసి, గతంలో ఆమ్ ఆద్మీ పార్టీ తో పనిచేసిన అభిజీత్ దీప్కే.. మే 16న ఈ కాక్‌రోచ్ జనతా పార్టీని సోషల్ మీడియాలో లాంచ్ చేశాడు. గూగుల్ ఫామ్స్ ద్వారా మెంబర్‌షిప్ డ్రైవ్ కూడా మొదలుపెట్టాడు. “అవును, నేనే ఆ బొద్దింకను.. భారత ప్రధాన న్యాయమూర్తి సరిగ్గా నా గురించే మాట్లాడారు” అంటూ అభిజీత్ ‘ఇండియా టుడే’ ప్రత్యేక ఇంటర్వ్యూలో వ్యాఖ్యానించాడు. కేవలం కొద్ది రోజుల్లోనే ఈ పార్టీ ఇన్‌స్టాగ్రామ్ ఖాతా ఏకంగా 15 మిలియన్ల (1.5 కోట్లు) ఫాలోవర్లను సంపాదించుకుంది. ఈ విషయంలో దేశంలోని ప్రధాన పార్టీలైన బీజేపీ, కాంగ్రెస్ అధికారిక పేజీలను కూడా ఇది వెనక్కి నెట్టేసింది. ఈ పార్టీ తనను తాను “సోమరిపోతులు, నిరుద్యోగ” యువత గొంతుకగా ప్రకటించుకుంది. కేవలం మీమ్స్‌తో నవ్వించడమే కాకుండా.. మెరుగైన విద్య, వైద్యం, ఉపాధి అవకాశాలు, పరీక్షల వ్యవస్థలో సంస్కరణలు, మెరుగైన పబ్లిక్ సర్వీసెస్, అధికారులలో జవాబుదారీతనం వంటి తీవ్రమైన సామాజిక సమస్యలపై సైతం ఈ పార్టీ ప్రశ్నిస్తోంది. గురువారం నాడు ఈ పార్టీకి చెందిన ఎక్స్ (ట్విట్టర్) ఖాతాను భారతదేశంలో నిలిపివేసినప్పటికీ, వెంటనే సరికొత్త హ్యాండిల్‌తో రీ-ఎంట్రీ ఇచ్చి.. “మమ్మల్ని వదిలించుకోవచ్చు అనుకున్నారా? లోల్ అంటూ పోస్ట్ పెట్టారు. ఈ గ్రూప్ తమ పేరు మీద ట్రేడ్‌మార్క్ అప్లికేషన్లు కూడా పెట్టుకుంది. తమ వెబ్‌సైట్ ద్వారా లక్షలాది మంది సైన్-అప్ అవుతున్నారని క్లెయిమ్ చేస్తోంది. ఈ ఆన్‌లైన్ ట్రెండ్ ప్రపంచవ్యాప్తంగా అంతర్జాతీయ మీడియా దృష్టిని ఆకర్షించడంతో.. ఈ బొద్దింక జ్వరం కాస్తా పాకిస్థాన్‌కు సైతం పాకింది. అక్కడ కూడా మెయిన్‌స్ట్రీమ్ రాజకీయ పార్టీలైన ఇమ్రాన్ ఖాన్ నేతృత్వంలోని పీటీఐ , నవాజ్ షరీఫ్ పీఎంఎల్-ఎన్, పీపీపీలకు ప్రత్యామ్నాయంగా ఈ ‘కాక్‌రోచ్ పార్టీలు’ రంగంలోకి దిగుతున్నాయి. పాకిస్థాన్‌లో మొదలైన ఇన్‌స్టాగ్రామ్ పేజీ ‘కాక్‌రోచ్ అవామీ పార్టీ’.. తాము ఇండియా నుంచే ఈ ఐడియా కాపీ కొట్టామని ఓపెన్‌గా ఒప్పుకుంటూ, “కాపీ కొడితే ఏంటి, ఇద్దరి ముఖ్యాంశం ఒక్కటే కదా” అని తమ బయోలో రాసుకుంది. ప్రస్తుతం ఈ అకౌంట్‌కు 1,400 మందికి పైగా ఫాలోవర్లు ఉన్నారు. తాము ఏ ఒక్క వ్యక్తికో లేదా టీమ్‌కో సంబంధించిన వాళ్లం కాదని, పాకిస్థానీ ‘జెన్-జీ’ యువత అసలైన గొంతుకగా మారుతామని చెబుతున్నారు. ఇండియా లోగో లాగే ఉన్నప్పటికీ.. వీరు గ్రీన్ అండ్ వైట్ కలర్ కాంబినేషన్‌ను వాడుతున్నారు. మే 28న తమ అధికారిక నినాదాన్ని ప్రకటిస్తామని తెలిపారు.ఎక్స్ (ట్విట్టర్) లోనూ దీనికి సంబంధించిన అకౌంట్లు హల్‌చల్ చేస్తున్నాయి. అనే అకౌంట్.. “వ్యవస్థ ఎవరినైతే బొద్దింకలుగా భావించిందో, మేము ఆ సామాన్య ప్రజల గొంతుకను” (జిన్హే సిస్టమ్ నే కాక్‌రోచ్ సంఝా, హమ్ ఉన్హీ అవామ్ కీ ఆవాజ్ హైన్) అని రాసుకొచ్చింది. అలాగే ‘కాక్‌రోచ్ అవామీ లీగ్ పాకిస్థాన్‌’ అనే మరో పేజీ.. “ఏ పరిస్థితిలోనైనా మేము బతికే ఉంటాం” (హర్ హలాత్ మే జిందా హైన్) అనే ఉర్దూ నినాదాన్ని వాడుతోంది. భారత్‌లోని కాక్‌రోచ్ జనతా పార్టీకి ఒక స్పష్టమైన వ్యవస్థాపకుడు, మ్యానిఫెస్టో, అఫీషియల్ వెబ్‌సైట్ ఉన్నాయి. కానీ పాకిస్థాన్‌లోని గ్రూపులు మాత్రం ఇంకా విడివిడిగా, రకరకాల క్రియేటర్ల ద్వారా నడుస్తున్నాయి. ఏదేమైనా.. ఎంతటి విపత్కర పరిస్థితులనైనా తట్టుకుని బతికే ‘బొద్దింక’ను ఒక సింబల్‌గా వాడుకుంటూ, ఇరుదేశాల యువత తమ దేశాల్లోని నిరుద్యోగం, పాలనా లోపాలపై డిజిటల్ రూపంలో వ్యంగ్యాస్త్రాలు సంధిస్తున్నారు.

KAMAL · 5 నెలల క్రితం · Andhra Pradesh

రాజకీయం

బైరెడ్డి సిద్దార్థరెడ్డిపై కేసు నమోదు

కర్నూలు: నంద్యాల జిల్లాకు చెందిన వైకాపా నేత బైరెడ్డి సిద్దార్థరెడ్డిపై కర్నూలు త్రీటౌన్‌ పోలీస్‌ స్టేషన్‌లో కేసు నమోదైంది. రాష్ట్ర పరిశ్రమల శాఖ మంత్రి టీజీ భరత్ ఇచ్చిన ఫిర్యాదు మేరకు పోలీసులు సిద్దార్థరెడ్డిపై వివిధ సెక్షన్ల కింద కేసు నమోదు చేశారు. ఇటీవల కర్నూలు కలెక్టరేట్ వద్ద వైకాపా నేతలు నిర్వహించిన ధర్నా కార్యక్రమంలో పాల్గొన్ని బైరెడ్డి.. మంత్రిని ఉద్దేశించి తీవ్రమైన ఆరోపణలు చేశారు. ఓ ఫార్మా కంపెనీ నుంచి మంత్రి టీజీ భరత్‌ రూ.45 కోట్లు లంచం తీసుకున్నారని బహిరంగంగా ఆరోపించారు. దీనిపై తీవ్ర ఆగ్రహం వ్యక్తం చేసిన మంత్రి భరత్... బైరెడ్డిపై పోలీసులకు ఫిర్యాదు చేశారు. తన కుటుంబ సభ్యులను కూడా తీవ్రంగా అవమానించారని ఫిర్యాదులో పేర్కొన్నారు. అతనిపై పరువు నష్టం దావా కూడా వేస్తానని మంత్రి స్పష్టం చేశారు.

MADHU · 5 నెలల క్రితం · Andhra Pradesh, Kurnool

రాజకీయం

కుట్రదారులెవరో బయటపెట్టిన రైల్వే శాఖ

రైళ్లలో వరుస అగ్నిప్రమాదాలుఈ కేసులపై జరిపిన దర్యాప్తులో అనేక విషయాలు వెలుగులోకిరాజస్థాన్‌ :ఇటీవల దేశంలో చోటుచేసుకున్న వరుస అగ్నిప్రమాదాలు ప్రయాణికులను భయాందోళనకు గురిచేశాయి. అధికారులు సైతం ఆందోళనకు గురయ్యారు. ఈ నేపథ్యంలో ఇటీవల జరిగిన రైలు అగ్నిప్రమాదాల వెనుక సంఘ విద్రోహ శక్తులు ఉన్నాయని భారతీయ రైల్వే పేర్కొంది. ఇటీవల రాజస్థాన్‌లోని అమరపురా, కోటాలో, అలాగే బీహార్, బెంగాల్‌లోని ససారం హౌరాలో రైలు అగ్నిప్రమాదాలు జరిగాయని గమనించాలి. ఈ కేసులపై జరిపిన దర్యాప్తులో అనేక విషయాలు వెలుగులోకి వచ్చాయి.రైల్వే ప్రకారం, అమరపుర ఘటనలో పరుపు దుప్పట్లకు (బెడ్డింగ్‌కు) నిప్పు పెట్టే ప్రయత్నం జరిగింది. హౌరా కేసులో, ఒక కోచ్ బాత్రూమ్ నుండి పెట్రోల్‌లో తడిపిన గుడ్డను స్వాధీనం చేసుకున్నారు. కోటాలో, రాజధాని ఎక్స్‌ప్రెస్ బాత్రూమ్ నుండి మంటలు రావడం కనిపించగా, ససారంలో గుర్తు తెలియని వ్యక్తి ఖాళీ కోచ్ లోపలికి మండుతున్న వస్తువును విసిరినట్లు తెలిపారు.ప్రయాణికులు జాగ్రత్తగా ఉండాలని రైల్వే శాఖ విజ్ఞప్తి :బీహార్‌లో ససారం-పాట్నా ప్యాసింజర్ రైలులో అగ్నిప్రమాదం జరిగింది. షార్ట్ సర్క్యూట్ కారణంగానే ఈ మంటలు చెలరేగాయని ప్రాథమిక విచారణలో వెల్లడైంది. ఈ నేపథ్యంలో, ప్రయాణికులు అప్రమత్తంగా, సురక్షితంగా ఉండాలని రైల్వే శాఖ కోరింది. ఎవరైనా అనుమానాస్పదంగా కనిపిస్తే వెంటనే రైల్వే హెల్ప్‌లైన్ నంబర్ 139కి కాల్ చేయాలని సూచించింది. మధ్యప్రదేశ్‌లోని రత్లాంలో ఢిల్లీ వెళ్లే రాజధాని ఎక్స్‌ప్రెస్‌లోని ఏసీ కోచ్‌లో భారీ అగ్నిప్రమాదం జరిగిన కొద్ది రోజులకే రైల్వే ఈ ప్రకటన విడుదల చేసింది. ఈ ఘటనలో ఎవరికీ గాయాలు కాలేదు. 68 మంది ప్రయాణికులతో వెళ్తున్న బి-1 కోచ్‌లో ఉదయం 5:15 గంటల ప్రాంతంలో అగ్నిప్రమాదం జరిగింది. విక్రమ్‌గఢ్ ఆలోట్, లూని రిచ్చా స్టేషన్ల మధ్య ఈ ఘటన చోటుచేసుకుందని అధికారులు తెలిపారు.

JANARDHAN · 5 నెలల క్రితం

రాజకీయం

పెట్రోల్, డీజిల్ ధరల పెంపుపై వైసీపీ నిరసనలు హాస్యాస్పదం

రోడ్లు వెయ్యకుండా రోడ్డు టాక్స్ పేరుతో సెస్ వసూలు చేసిన ఘనత వైయస్ జగన్ ది.. ఎమ్మెల్యే బండారు సత్యానందరావు.కొత్తపేట : పెట్రోల్, డీజిల్ ధరల పెంపుపై నిరసనల పేరుతో వైసిపి నాయకులు రిక్షాలు తొక్కి ధర్నాలు చేయడం హాస్యాస్పదంగా ఉందని కొత్తపేట ఎమ్మెల్యే బండారు సత్యానందరావు వ్యాఖ్యానించారు. మంగళవారం రావులపాలెం క్యాంప్ కార్యాలయంలో ఆయన ఈ అంశంపై మీడియాతో మాట్లాడారు. 2019 నుంచి 24 వరకు జగన్ పాలనలో డీజిల్ రేట్లు 22 నుంచి 27 శాతానికి, పెట్రోల్ రేట్లు 31 నుంచి 35 శాతానికి పెరిగాయన్నారు. వైసీపీ పాలన ఐదేళ్లలో ఒక్క లీటర్ పెట్రోల్ ధర 2019 తో పోలిస్తే 41 రూపాయలు పెరిగిందన్నారు. అప్పట్లో కేంద్ర ప్రభుత్వం పెంచిన ధరలతో పాటు వైసిపి ప్రభుత్వం సైతం సెస్ పేరుతో పెట్రోల్ ధరల భారాన్ని ప్రజలపై వేసిందన్నారు. ఈ సందర్భంగా అప్పట్లో తెలుగుదేశం పార్టీ నిరసన తెలియజేస్తే అప్పటి మంత్రి కొడాలి నాని ఏకవచనంతో మాట్లాడుతూ.. పెట్రోల్, డీజిల్ ధరలు పెంపుపై నిరసనలు తెలియజేస్తే వెళ్ళి కేంద్రం వద్ద చేయాలి కానీ రాష్ట్రంలో చేస్తారా? అంటూ దుర్భాషలాడిన వీడియోలు ఇప్పుడు హల్చల్ చేస్తున్నాయన్నారు. ఇప్పుడు పెరిగిన ధరలు ఎవరు పెంచారో వైసీపీ నాయకులు గమనించకుండానే రిక్షాలు తొక్కడం సరైనదేనా? అని ప్రశ్నించారు. కూటమి ప్రభుత్వం అధికారంలోకి వచ్చిన ఈ రెండేళ్లలో ఒక్క రూపాయి కూడా పెట్రోల్ ధర గాని డీజిల్ ధర కాని పెంచలేదన్నారు. వైసిపి ప్రభుత్వ హయాంలో దేశంలోనే అత్యధికంగా పెట్రోల్,డీజిల్ రేట్లు మన రాష్ట్రంలో పెరిగాయన్నారు. ఒక్క రోడ్డు కూడా నిర్మించకుండా, గుంతలయినా పూడ్చకుండా రోడ్ డెవలప్మెంట్ సెస్ పేరుతో పెట్రోల్, డీజిల్ పై పన్నులు వేసిన ఘనత జగన్మోహన్ రెడ్డికి దక్కుతుందన్నారు. పక్క రాష్ట్రాలతో పోల్చితే అప్పట్లో మన రాష్ట్రంలోనే  లీటరుకు రూ.5నుంచి రూ.10 వరకు ధరలు అధికంగా ఉండేవన్నారు. అటువంటిది ఇప్పుడు డ్రామాలు చేయడం ప్రజలు గమనిస్తున్నారన్నారు. ప్రస్తుతం దేశవ్యాప్తంగా ఇంధన ధరలు ఎందుకు పెరిగాయో ప్రజలు అర్థం చేసుకున్నారన్నారు. పశ్చిమాసియాలో ఇరాన్, ఇజ్రాయిల్, అమెరికా మధ్య జరిగిన యుద్ధం కారణంగా అంతర్జాతీయ మార్కెట్లో ముడి చమురు ధరలు పెరగడంతో పెట్రోల్, డీజిల్ ధరలు పెరిగాయన్నారు. ప్రతిపక్షంగా ఏదో తమ ఉనికి కాపాడుకోవడం కోసం ఇక్కడి నాయకులు హడావుడి చేస్తున్నారన్నారు. ఈ అంశాలన్నీ ప్రజలు పరిశీలిస్తున్నారన్నారు. ఇప్పటికైనా వైసీపీ నాయకులు డ్రామాలు కట్టి పెట్టాలన్నారు. లేకుంటే వారు మరింతగా ప్రజల్లో పలచన అయ్యే అవకాశం ఉందన్నారు.

GANTA MADHU · 5 నెలల క్రితం · Andhra Pradesh, Kakinada

రాజకీయం

పంచాయతీరాజ్ శాఖలో ప్రత్యేక డ్యాష్‌బోర్డులు : డిప్యూటీ సీఎం పవన్‌ కల్యాణ్‌

అమరావతి   :  అమరావతిలో పంచాయతీరాజ్ మరియు పంచాయతీరాజ్ ఇంజినీరింగ్ శాఖల ఉన్నతాధికారులతో ఉప ముఖ్యమంత్రి పవన్‌ కల్యాణ్‌ ప్రత్యేక సమీక్ష సమావేశం నిర్వహించారు. ఈ సందర్భంగా పంచాయతీరాజ్ శాఖ పనితీరు, అభివృద్ధి కార్యక్రమాలు, పారదర్శకత, రోడ్ల నిర్మాణాలు, వ్యర్థాల నిర్వహణ వంటి కీలక అంశాలపై విస్తృతంగా చర్చించారు. ఈ సందర్భంగా ఉప ముఖ్యమంత్రి మాట్లాడుతూ పంచాయతీరాజ్ శాఖను మరింత పారదర్శకంగా తీర్చిదిద్దాల్సిన అవసరం ఉందన్నారు. స్థానిక సంస్థలు చేపడుతున్న అభివృద్ధి పనులు ప్రజలకు స్పష్టంగా తెలియాలంటే ప్రత్యేక పబ్లిక్ డ్యాష్‌బోర్డు ఏర్పాటు చేయాలని అధికారులను ఆదేశించారు. రాష్ట్రవ్యాప్తంగా జరుగుతున్న రోడ్ల నిర్మాణ పనులు, వాటి పురోగతి, రోడ్ల పరిస్థితి వంటి వివరాలు ప్రజలకు ఎప్పటికప్పుడు అందుబాటులో ఉండేలా చర్యలు తీసుకోవాలని సూచించారు.పంచాయతీరాజ్ శాఖ 2025-26 ఆర్థిక సంవత్సరంలో స్వర్ణ పంచాయతీ పోర్టల్ ద్వారా ఆన్‌లైన్ విధానంలో పారదర్శకంగా పన్నులు వసూలు చేయడం అభినందనీయమని పవన్ పేర్కొన్నారు. పంచాయతీలు తమ ఆదాయ వనరులను మరింత పెంచుకుంటూ అభివృద్ధి దిశగా ముందుకు సాగాలని సూచ

MADHU · 5 నెలల క్రితం · Andhra Pradesh, Kakinada

రాజకీయం

హస్తనలో చంద్రబాబు బిజీబిజీ

---అమిత్ షా, సీఆర్ పాటిల్‌తో కీలక భేటీలు---సీఐఐ బిజినెస్ సమ్మిట్లో పాల్గొననున్న సీఎంఢిల్లీ  : ఆంధ్రప్రదేశ్ సీఎం చంద్రబాబు ఇవాళ ఢిల్లీలో బిజీబిజీగా గడపనున్నారు. ఉదయం 10 గంటలకు ఢిల్లీకి చేరుకోనున్న సీఎం.. పలువురు కేంద్ర మంత్రులతో కీలక సమావేశాలు నిర్వహించనున్నారు. రాష్ట్ర అభివృద్ధి, పెండింగ్ ప్రాజెక్టులు, కేంద్ర సహకారం వంటి అంశాలపై ఈ భేటీల్లో చర్చించనున్నట్లు సమాచారం. ఈ పర్యటనలో భాగంగా కేంద్ర హోంమంత్రి అమిత్ షాతో పాటు కేంద్ర జలశక్తి మంత్రి సీఆర్ పాటిల్‌తో సమావేశం కానున్నారు. ఆంధ్రప్రదేశ్‌కు సంబంధించిన కీలక ప్రాజెక్టులు, నదుల అనుసంధానం, జలవనరుల అభివృద్ధి, రాష్ట్రానికి కేంద్రం నుంచి రావాల్సిన సహాయంపై చర్చించే అవకాశం ఉంది. అలాగే రాష్ట్ర భద్రత, పరిపాలన, అభివృద్ధి అంశాలపై కూడా అమిత్ షాతో చర్చించనున్నట్లు తెలుస్తోంది.మధ్యాహ్నం ప్రపంచ బ్యాంకు ప్రతినిధులతో సీఎం చంద్రబాబు సమావేశం కానున్నారు. రాష్ట్రంలో మౌలిక వసతుల అభివృద్ధి, పెట్టుబడులు, ఆర్థిక సహకారం, పట్టణాభివృద్ధి ప్రాజెక్టులపై ఈ సమావేశంలో చర్చించే అవకాశం ఉంది. ప్రపంచ బ్యాంకు మద్దతుతో అమలు చేయదగిన పలు ప్రాజెక్టులపై ప్రభుత్వం దృష్టి సారించినట్లు సమాచారం. సాయంత్రం 5 గంటలకు ఢిల్లీలోని తాజ్ పాలెస్ హోటల్‌లో నిర్వహించే సీఐఐ బిజినెస్ సమ్మిట్లో సీఎం పాల్గొననున్నారు. దేశీయ, అంతర్జాతీయ పరిశ్రమల ప్రతినిధులు పాల్గొనే ఈ సమావేశంలో ఆంధ్రప్రదేశ్‌లో పెట్టుబడుల అవకాశాలు, పరిశ్రమలకు ప్రభుత్వం అందిస్తున్న ప్రోత్సాహకాలపై సీఎం ప్రసంగించనున్నారు. రాష్ట్రాన్ని పెట్టుబడుల కేంద్రంగా తీర్చిదిద్దే దిశగా ప్రభుత్వం తీసుకుంటున్న చర్యలను వివరిస్తారని అధికారులు చెబుతున్నారు.ఇక ఈరోజు రాత్రి ఢిల్లీ పర్యటన ముగిసిన అనంతరం సీఎం చంద్రబాబు గౌహతి (అస్సాం)కు బయల్దేరనున్నారు. అక్కడ జరిగే అధికారిక కార్యక్రమాల్లో పాల్గొనే అవకాశం ఉన్నట్లు సమాచారం. సీఎం ఢిల్లీ పర్యటన రాష్ట్రానికి కీలకంగా మారిందని రాజకీయ వర్గాలు భావిస్తున్నాయి.

RAJ · 5 నెలల క్రితం