ప్రస్తుతం నడుస్తున్నవి

ప్రధాని మోదీ: నవ ప్రపంచ క్రమానికి నాయకత్వం వహించడానికి భారత్ సిద్ధంగా ఉంది | కల్కి 2898 AD పార్ట్ 2 రిలీజ్ డేట్ ఖరారు...

తాజా వార్తలు (Latest)

103 వ వార్డులో గుర్రం శ్రీను గెలుపే లక్ష్యం

--అల్లుని పార్తీలోకి తిరిగి తీసుకోవడంతో గాజువాకలో సంబరాలు

ప్రజలకు భరోసా కల్పిస్తూ కదం తొక్కిన పోలీసు బలగాలు||

జిల్లా కలెక్టర్ పేరుతో నకిలీ వాట్సాప్ ఖాతా

అరవింద యూనిట్ 5...ప్రమాదంపై సమగ్ర విచారణ చేయాలి

మీ కోసం సిఫార్సు చేయబడినవి (Recommended)

ప్రభుత్వ ఎక్స్ గ్రేషియో చెక్కును బాధితలకు అందించిన ఎమ్మెల్యే వంశీకృష్ణ

రాష్ట్ర ముఖ్య‌మంత్రికి ఘ‌న స్వాగ‌తం

పెట్రోల్, డీజిల్ ధరల పెంపుపై వైసీపీ నిరసనలు హాస్యాస్పదం

జీవీఎంసీ పరిధిలో అనధికార లేఔట్లను క్షుణ్ణంగా పరిశీలించండి

బంగాళాఖాతంలో అల్పపీడనం..నెలాఖరున వర్షాలు

80 వేలు లంచం తీసుకుంటూ ఏసీబీకి చిక్కిన అక్కయ్యపాలెం సచివాలయ ఉద్యోగి పైలా రాజేష్.

103 వ వార్డులో గుర్రం శ్రీను గెలుపే లక్ష్యం

Top Story

--------- మాజీ మంత్రి అమర్నాథ్ ని మర్యాదపూర్వకంగా కలిసిన గల్లా శివాజీ గాజువాక : విశాఖ జివిఎంసి 103వ వార్డు వైఎస్ఆర్సీపీ స్టూడెంట్ యూనియన్ వైస్ ప్రెసిడెంట్ గల్లా శివాజీ మాజీ ఐటీ మంత్రి, వైఎస్ఆర్సీపీ సీనియర్ నేత గుడివాడ అమర్నాథ్ ని మర్యాదపూర్వకంగా కలిశారు.ఈ సందర్భంగా గల్లా శివాజీ మాట్లాడుతూ 103వ వార్డు కార్పొరేటర్ అభ్యర్థి గుర్రం శ్రీనుని గెలిపించుకునే బాధ్యత మాది. దీనికి మీరు మరింత సపోర్ట్ చేయాలని, రానున్న రోజుల్లో వైఎస్ఆర్సీపీ పార్టీని బలపరచడానికి మీ వంతు సపోర్ట్ చేయాలని శివాజీ అమర్నాథ్ ని కోరడం జరిగింది.అలాగే వార్డులోని యువత, విద్యార్థుల సమస్యలపై చర్చించి, పార్టీ బలోపేతానికి తీసుకోవాల్సిన చర్యలపై మాట్లాడారు.దీనిపై గుడివాడ అమర్నాథ్ గారు సానుకూలంగా స్పందిస్తూ, యువ నాయకులే పార్టీకి భవిష్యత్తు అని, గుర్రం శ్రీను గెలుపు కోసం పార్టీ అండగా ఉంటుందని హామీ ఇచ్చారని తెలిపారు.

నేరాలు-ఘోరాలు

ప్రజలకు భరోసా కల్పిస్తూ కదం తొక్కిన పోలీసు బలగాలు||

- ఎస్పీ ఎఆర్ దామోదర్, ఐపీఎస్విజయనగరం జిల్లా : విజయనగరం పట్టణంలో జరగనున్న శ్రీ పైడితల్లమ్మ పండగ, ప్రాదేశిక ఎన్నికలను ప్రశాంతంగా, ఎటువంటి అవాంఛనీయ సంఘటనలు జరగకుండా నిర్వహించేందుకు, ప్రజల భద్రతకు భరోసా కల్పించేందుకు జిల్లా పోలీసుశాఖ అక్టోబర్ 23న విజయనగరం 1వ పట్టణ పీఎస్ నుండి గంట స్తంభం, మూడు లాంతర్లు, కోట జంక్షన్, లైన్స్ క్లబ్ జంక్షన్ మీదుగా బాలాజీ జంక్షన్, జొన్నగుడ్డి వరకు పోలీసు బలగాలు కవాతు నిర్వహించాయి. జిల్లా ఎస్పీ ఎఆర్ దామోదర్, కవాతులో స్వయంగా పాల్గొని, ఎన్నికల్లో స్వేచ్ఛగా ఓటు వేయాలను, బెదిరింపులకు, ప్రలోభాలకు లొంగవద్దని, పోలీసుశాఖ అండగా ఉంటుందని ప్రజలకు భరోసా కల్పించారు.

వార్తలు

జిల్లా కలెక్టర్ పేరుతో నకిలీ వాట్సాప్ ఖాతా

---- అధికారులు, జిల్లా ప్రజలు అప్రమత్తంగా ఉండాలి: కలెక్టర్ పేషీ హెచ్చరికవిశాఖపట్నం, అక్టోబర్ 23: విశాఖపట్టణం జిల్లా కలెక్టర్ ఎం. అభిషిక్త్ కిషోర్ పేరు, గుర్తింపుతో గుర్తుతెలియని వ్యక్తి నకిలీ వాట్సాప్ ఖాతాను సృష్టించి, పలువురికి సందేశాలు పంపిస్తూ డబ్బులు కోరుతున్నట్లు కలెక్టర్ పేషీ దృష్టికి వచ్చింది. ఈ నేపథ్యంలో జిల్లా అధికారులు, ప్రభుత్వ ఉద్యోగులు, సిబ్బంది, జిల్లా ప్రజలు అప్రమత్తంగా ఉండాలని కలెక్టర్ పేషీ ఒక ప్రకటనలో హెచ్చరించింది. కలెక్టర్ పేరుతో డబ్బులు కోరుతూ వచ్చే అనుమానాస్పద వాట్సాప్ సందేశాలకు ఎట్టి పరిస్థితుల్లోనూ స్పందించవద్దని, వ్యక్తిగత వివరాలు, బ్యాంకు ఖాతా సమాచారం, ఓటీపీ వంటి సున్నితమైన సమాచారాన్ని ఎవరికీ వెల్లడించవద్దని, ఎట్టి పరిస్థితుల్లోనూ డబ్బులు బదిలీ చేయవద్దని స్పష్టం చేసింది. ప్రతి ఒక్కరూ అప్రమత్తంగా ఉండేలా చూడాలని కలెక్టర్ పేషీ కోరింది.

వార్తలు

అరవింద యూనిట్ 5...ప్రమాదంపై సమగ్ర విచారణ చేయాలి

-----ఫార్మసిటీ స్టాప్ ఎండ్ వర్కర్స్ యూనియన్పరవాడ : ఫార్మసిటీలో అరవింద యూనిట్ 5లో జరిగిన ప్రమాదంపై సమగ్ర విచారణ చేయాలని ఫార్మసిటీ స్టాప్ ఎండ్ వర్కర్స్ యూనియన్ అధ్యక్షులు గని శెట్టి సత్యనారాయణ డిమాండ్ చేశారు. శుక్రవారం ఐదున్నర గంటలకు జరిగిన ఈ ప్రమాదంపై ఇన్స్పెక్టర్ ఫ్యాక్టరీ, పొల్యూషన్ కంట్రోల్ బోర్డ్, దర్యాప్తు చేపట్టాలని డిమాండ్ చేశారు.ఐ సో ప్రొఫైల్ ఆల్కహాల్ బ్యాచ్ బ్యాచ్ కి మధ్య క్లీన్ చేస్తున్న సందర్భంలో ఫైర్ జరిగిందని బి.పి కి ,షుగర్ కి మందులు తయారీ, మెట్ ఫర్ మెన్ మందులు తయారీ విభాగంలో జరిగింది. ప్రొడక్షన్ బ్లాక్ ఎక్స్టెన్షన్ ఏరియా తెల్లవారు అయిదున్నర ప్రాంతంలో ఈ ప్రమాదం జరిగింది. ఫైర్ సిబ్బంది మంటలు అదుపు చేయడానికి లేకుండా దగ్గరగా నిర్మాణం జరిగినట్లు ఉంది. రాత్రి సి షిఫ్ట్ లో ఉన్న కార్మికుల లిస్ట్ బయట పెట్టాలని గని శెట్టి డిమాండ్ చేశారు. భద్రతా వైఫల్యం వల్లే ఈ ప్రమాదం జరిగిందని గని శెట్టి అన్నారు. ప్రమాదం పై సమగ్ర విచారణతో పాటు భవిష్యత్తులో ఎలాంటి ప్రమాదాలు జరగకుండా భద్రత ఆడిట్ నిర్వహించాలని గనిశెట్టి డిమాండ్ చేశారు. కార్మికులు క్షణక్షణం భయాందోళనలో అరిచేతిలో ప్రాణాలు పెట్టుకుని ఫార్మా పరిశ్రమలో విధులు నిర్వహిస్తున్నారని అన్నారు. ఈ ప్రమాదంపై జిల్లా కలెక్టర్లకు ఫిర్యాదు చేస్తున్నట్లు గని శెట్టి తెలిపారు.

Ad: news_list_middle

ఆరోగ్యం

జాతీయ అయోడిన్ లోప రుగ్మతల నివారణ పై గోడ పత్రిక విడుదల

విశాఖపట్నం : జిల్లా వైద్య ఆరోగ్య శాఖాధికారి డా.పి.జగదీశ్వర రావు వారు జిల్లా ప్రోగ్రాం అధికారులతో కలిసి జాతీయ అయోడిన్ లోప రుగ్మతల నివారణ కార్యక్రమం (National Iodine Deficiency Disorders Control Programme – NIDDCP) గోడ పత్రికను మరియు బ్యానర్ ను ఆవిష్కరించారు. తదుపరి పత్రికా ముఖంగా మాట్లాడుతూ అక్టోబర్ 21 నుంచి 28వ తేదీ వరకు ప్రజల్లో అయోడిన్ లోపం వల్ల కలిగే ఆరోగ్య సమస్యలపై అవగాహన కల్పించేందుకు ప్రత్యేక అవగాహన కార్యక్రమాలు నిర్వహించడం జరుగుతుందని తెలియచేసారు. అయోడిన్ మన శరీర ఎదుగుదలకు, ముఖ్యంగా పిల్లల శారీరక మరియు మానసిక అభివృద్ధికి ఎంతో అవసరమైన పోషక పదార్థం. శరీరంలో అయోడిన్ లోపం ఏర్పడితే గాయిటర్ (గొంతు వాపు), పిల్లల్లో ఎదుగుదల లోపాలు, మానసిక వికాసానికి సంబంధించిన సమస్యలు వంటి ఆరోగ్య సమస్యలు తలెత్తే అవకాశం ఉంది. ఈ నేపథ్యంలో ప్రజలు అయోడిన్ కలిగిన ఉప్పును వినియోగించడం, ఉప్పును సరైన పద్ధతిలో నిల్వ చేసుకోవడం, సమతుల్య ఆహారపు అలవాట్లను పాటించడం వంటి అంశాలపై అవగాహనపెంపొందించుకోవాలి. జిల్లాలోని అన్ని ప్రాథమిక ఆరోగ్య కేంద్రాలు (PHCs), పట్టణ ప్రాథమిక ఆరోగ్య కేంద్రాలు (UPHCs) మరియు ఆరోగ్య సిబ్బంది ప్రజలకు, ముఖ్యంగా గర్భిణులు, బాలింతలు, పాఠశాల విద్యార్థులు మరియు తల్లిదండ్రులకు అయోడిన్ ప్రాముఖ్యతపై అవగాహన కల్పించేందుకు కృషి చేయాలి. ప్రజారోగ్య పరిరక్షణలో భాగంగా అయోడిన్ లోప రుగ్మతలను నివారించడానికి ప్రతి ఒక్కరూ అయోడిన్ కలిగిన ఉప్పును వినియోగించాలని జిల్లా వైద్య మరియు ఆరోగ్య శాఖ విజ్ఞప్తి చేస్తోంది.అయోడిన్ మన శరీరానికి కావలసిన ఒక సూక్ష్మ పోషకం .అయోడిన్ లోప రుగ్మతుల నివారణకు-అయోడైజ్డ్ ఉప్పునే వాడండి .పిల్లల శారీరక, మానసిక ఎదుగుదలకు అయోడిన్ ఉప్పునే వాడండి . మీరు తినే ఆహారంలో అయోడిన్ లోపం ఉన్నట్లు అయితే – గర్భిణీ స్త్రీలలో గర్భస్రావం, మృత శిశుజననాల, నెలలు నిండకుండా ప్రసవం మరియు జన్మించిన పిల్లలలో పుట్టుకతో లోపాలు సంభవించవచ్చు. మనం తినే ఆహారంలో అయోడిన్ లోపిస్తే పిల్లలలో మరగుజ్జుతనం, బుద్ధి మాంద్యం, చెవుడు, మూగ వంటి వైకల్యములు సంభవిస్తాయి- వీటిని నివారించడానికి అయోడిన్ ఉప్పునే వాడండి .అయోడిన్ లోపం వాళ్ళ థైరాయిడ్ గ్రంధి పెరిగి గొంతు వద్ద వాపు ఏర్పడుతుంది. దీనినే " గాయిటర్ " అంటారు. అందుకే ఎప్పుడు మంచి అయోడిన్ గల ఉప్పునే వాడండి అని సూచించారు.ఈ కార్యక్రమంలో బాగంగా జీ.వి.ఎం.సి. హైస్కూల్ మధురానగర్ నందు ప్రోగ్రామ్ ఆఫీసర్ డా.హారిక, మెడికల్ ఆఫీసర్ మరియు సిబ్బంది పాల్గొని పిల్లలకు క్విజ్ పోటీలు నిర్వహించడం జరిగినది . ఈ కార్యక్రమంలో డా.బి.ఉమావతి, డి.పి.ఎం.ఒ-ఎన్.హెచ్.ఎం, బి.నాగేశ్వర రావు, డెమో, డా.ఎన్.వి.సమత, విమెన్ హెల్త్ ఆఫీసర్, డా.బి.హారిక, ఆర్.బి.ఎస్.కె.జిల్లా సమన్వయకర్త, ఎం.సత్యవతి, డి.పి.హెచ్.ఎన్.ఒ, బి.నాగభూషణరావు, అసిస్టెంట్ మలేరియా అధికారి వారు మరియు కార్యాలయ సిబ్బంది పాల్గొన్నారు.

నేరాలు-ఘోరాలు

కనకధార వెంచర్స్ పై ఈడీ మెరుపు దాడులు

హైదరాబాద్‌ : బ్యాంకుల కన్సార్టియంను మోసగించి వందల కోట్ల రూపాయల నిధులను దారిమళ్లించిన కేసులో ఎన్‌ఫోర్స్‌మెంట్ డైరెక్టరేట్ (ఈడీ) అధికారులు సోదాలు ముమ్మరం చేశారు. ప్రివెన్షన్ ఆఫ్ మనీ లాండరింగ్ యాక్ట్ (PMLA), 2002 నిబంధనల ప్రకారం, ఈడీ హైదరాబాద్ జోనల్ కార్యాలయ అధికారులు శుక్రవారం నగరంలోని పలు ప్రాంతాల్లో విస్తృత తనిఖీలు చేపట్టారు. హైదరాబాద్, సికింద్రాబాద్, మేడ్చల్-మల్కాజ్‌గిరి పరిధిలోని మొత్తం 7 ప్రాంతాల్లో ఈ సోదాలు కొనసాగాయి.ఎం/ఎస్ కనకధార వెంచర్స్ ప్రైవేట్ లిమిటెడ్ (కేవీపీఎల్) రిజిస్టర్డ్ కార్యాలయం, ఆ సంస్థ డైరెక్టర్ల నివాసాలు, అలాగే బ్యాంకు నిధుల మళ్లింపులో మధ్యవర్తులుగా వ్యవహరించిన సంస్థలు, వ్యక్తుల ప్రాంగణాల్లో ఈడీ బృందాలు ఏకకాలంలో తనిఖీలు నిర్వహించాయి. పంజాబ్ నేషనల్ బ్యాంక్ (పీఎన్‌బీ) ఇచ్చిన ఫిర్యాదు ఆధారంగా, సెంట్రల్ బ్యూరో ఆఫ్ ఇన్వెస్టిగేషన్ (సీబీఐ – బెంగుళూరు) 2022 డిసెంబర్ 8న నమోదు చేసిన ఎఫ్ఐఆర్ (నం. RC0782022E0005) ఆధారంగా ఈడీ దర్యాప్తు ప్రారంభించింది. ఐపీసీ సెక్షన్లు 120-బి, 420, 468, 471లతో పాటు అవినీతి నిరోధక చట్టం-1988 కింద నమోదైన ఈ కేసును ఆధారం చేసుకుని ఈడీ అధికారులు మనీలాండరింగ్ కోణంలో లోతైన విచారణ జరుపుతున్నారు.పంజాబ్ నేషనల్ బ్యాంక్ నేతృత్వంలోని ఐడీబీఐ బ్యాంక్, యూనియన్ బ్యాంక్ ఆఫ్ ఇండియా, ఆంధ్రా బ్యాంక్ (ప్రస్తుతం యూబీఐ), బ్యాంక్ ఆఫ్ బరోడాలతో కూడిన బ్యాంకుల కన్సార్టియంను కనకధార వెంచర్స్ సుమారు రూ. 326.49 కోట్ల మేర మోసగించినట్లు ప్రధాన ఆరోపణ. బ్యాంకులు మంజూరు చేసిన బ్యాంక్ గ్యారెంటీ (బీజీ), లెటర్ ఆఫ్ క్రెడిట్ (ఎల్‌సీ) రుణ సౌకర్యాలను నిబంధనలకు విరుద్ధంగా దుర్వినియోగం చేసినట్లు ఈడీ దర్యాప్తులో తేలింది. నకిలీ ఉక్కు కొనుగోలు ఇన్‌వాయిస్‌లు, రవాణా పత్రాలను సృష్టించి, బినామీ సంస్థల ద్వారా నిధులను భారీగా దారిమళ్లించారని అధికారులు గుర్తించారు. అంతేకాకుండా, రుణాలిచ్చిన బ్యాంకుల సమాచారం లేకుండా కన్సార్టియం వెలుపల వేర్వేరు బ్యాంకు ఖాతాలను నిర్వహించినట్లు ఆధారాలు లభించాయి. ఈ సోదాల సందర్భంగా నిధుల మళ్లింపు, లేయరింగ్‌కు సంబంధించిన కీలక పత్రాలు, డిజిటల్ పరికరాలు, పలు రికార్డులను ఈడీ అధికారులు స్వాధీనం చేసుకున్నారు. పలు స్థిరాస్తులు, పెట్టుబడులను గుర్తించడంతో పాటు కీలక ఆస్తుల వివరాలను నమోదు చేశారు. ప్రస్తుతం ఈ కేసుకు సంబంధించి సమగ్ర దర్యాప్తు కొనసాగుతోంది.

వార్తలు

*నర్సీపట్నం మరియు ఎలమంచిలి మున్సిపాలిటీలలో ఎన్నికలు నిర్వహించేందుకు ఏర్పాట్లు పూర్తి

----జిల్లా కలెక్టర్ విజయ కృష్ణన్**అనకాపల్లి అక్టోబర్ 23: అనకాపల్లి జిల్లాలోని ఎలమంచిలి మున్సిపాలిటీ మరియు నర్సీపట్నం మున్సిపాలిటీ ఎన్నికలు మొదట ఈ నెల 28వ తేదీన జరగాల్సి ఉండగా, ఆంధ్రప్రదేశ్ రాష్ట్ర ఎన్నికల కమిషన్ (AP State Election Commission) ఉత్తర్వుల ప్రకారం ఆ ఎన్నికలను వాయిదా వేయడం జరిగిందని జిల్లా కలెక్టర్ మరియు జిల్లా ఎన్నికల అధికారి విజయ కృష్ణన్ ఒక ప్రకటనలో తెలిపారు.సవరించిన షెడ్యూల్ ప్రకారం, పోలింగ్ ప్రక్రియ నవంబర్ 1వ తేదీన నిర్వహించబడుతుందని, అవసరమైతే రీపోలింగ్ నవంబర్ రెండవ తేదీన నిర్వహిస్తామని, ఓట్ల లెక్కింపు (కౌంటింగ్) ప్రక్రియ నవంబర్ 3వ తేదీన జరుగుతుందని జిల్లా కలెక్టర్ తెలిపారు.జారీ: డివిజనల్ పౌర సంబంధాల అధికారి, అనకాపల్లి

Ad: news_list_middle

రాజకీయం

ప్రజాసేవే లక్ష్యంగా టీడీపీ అభ్యర్థుల నామినేషన్లు

రెడ్డిగూడెం: రెడ్డిగూడెం మండల పరిషత్ పరిధిలోని రెడ్డిగూడెం 1వ ఎంపీటీసీ స్థానానికి టీడీపీ అభ్యర్థిగా బొమ్మిన కోటేశ్వరరావు, రంగాపురం 2వ ఎంపీటీసీ స్థానానికి టీడీపీ అభ్యర్థిగా ముప్పిడి నాగేశ్వరరెడ్డి, రెడ్డిగూడెం రెడ్డు సెగ్మెంట్ ఎంపీటీసీ టీడీపీ అభ్యర్థి మల్లాది జగదీష్ భార్య సౌందర్య కుమారి నామినేషన్లు దాఖలు చేశారు. ఈ కార్యక్రమంలో రాష్ట్ర కార్యవర్గ అధ్యక్షులు విజయబాబు మండల పార్టీ అధ్యక్షులు జలపాటి వేణుగోపాల్ రెడ్డి. జనసేన పార్టీ మండల అధ్యక్షుడు చాపలమడుగు తాతారావు నాయకులు కార్యకర్తలు పాల్గొన్నారు.ఈ సందర్భంగా అభ్యర్థుల గురించి స్థానికంగా చర్చ జరుగుతోంది. బొమ్మిన కోటేశ్వరరావు, ముప్పిడి నాగేశ్వరరెడ్డి గత కొంతకాలంగా పేదలు, బడుగు బలహీన వర్గాలకు తమ వంతు సహాయ సహకారాలు అందిస్తూ ప్రజలకు అండగా నిలుస్తున్నారని వారి అనుచరులు తెలిపారు. సామాజిక సేవా కార్యక్రమాల్లో పాల్గొంటూ, అవసరమైన వారికి సాయం చేస్తూ స్థానిక ప్రజలతో సత్సంబంధాలు కొనసాగిస్తున్నారని పేర్కొన్నారు.వీరిద్దరూ విద్యావంతులుగా, విద్యకు ప్రాధాన్యతనిస్తూ విద్యా దాన కార్యక్రమాల ద్వారా సమాజ అభివృద్ధికి తమ వంతు కృషి చేస్తున్నారని తెలిపారు. ప్రజల సమస్యలను తెలుసుకొని, వాటి పరిష్కారానికి కృషి చేయాలనే లక్ష్యంతో ఎంపీటీసీ అభ్యర్థులుగా నామినేషన్లు దాఖలు చేసినట్లు వివరించారు.గ్రామాల అభివృద్ధి, పేద ప్రజల సంక్షేమం, బడుగు బలహీన వర్గాలకు అండగా నిలవడం వంటి అంశాలకు ప్రాధాన్యతనిస్తూ ముందుకు సాగాలని వారు భావిస్తున్నట్లు వారి అనుచరులు తెలిపారు. రెడ్డిగూడెం మండలం మొత్తం మీద 59 మంది ఆ పార్టీలకు సంబంధించి అభ్యర్థులు వారి నామినేషన్ దాఖలు చేసినారు.

నేరాలు-ఘోరాలు

జోగి మేఘన కారును ఢీకొన్న ట్రావెల్స్‌ బస్సు..!

---మాజీ మంత్రి జోగి రమేష్‌పై అనుమానం వ్యక్తం చేసిన మేఘన తండ్రి.ఇబ్రహీంపట్నం : తమకు జరిగిన ప్రమాదంపై అనుమానాలు ఉన్నాయని జోగి మేఘన తండ్రి ఎన్టీఆర్‌ జిల్లా ఇబ్రహీంపట్నం పోలీసు స్టేషన్‌లో ఫిర్యాదు చేసిన సంఘటన ఆలస్యంగా వెలుగులోకి వచ్చింది. ఈ ఘటనలో వైకాపా నేత, మాజీ మంత్రి జోగి రమేష్‌ హస్తం ఉండి ఉండొచ్చని ఆయన అనుమానం వ్యక్తం చేశారు. ఈ నెల 15న జోగి రమేష్‌ కోడలు మేఘన, ఆమె తండ్రి కృష్ణ విజయవాడ నుంచి తెలంగాణ రాష్ట్రం కోదాడ వైపు వెళ్తున్నారు. ఆ సమయంలో వెనుక నుంచి వచ్చిన ఓ ప్రైవేటు ట్రావెల్స్‌ బస్సు వీరి కారును ఢీకొనగా వాహనం కొంత భాగం దెబ్బతింది. బస్సు డ్రైవర్‌పై చర్యలు తీసుకోవాలని, తమకు ప్రాణహాని ఉన్నందున విచారణ చేయాలని మేఘన తండ్రి కృష్ణ పోలీస్‌స్టేషన్‌లో ఈ నెల 16న ఫిర్యాదు చేశారు. దీనిపై ఇబ్రహీంపట్నం పోలీసులు అప్పుడే కేసు నమోదు చేశారు.ఇప్పటికే మేఘన.. హత్యాయత్నం, వరకట్న వేధింపుల ఆరోపణలతో మామ రమేష్, భర్త రాజీవ్, మరికొందరు కుటుంబ సభ్యులపై ఫిర్యాదు చేయడం, వారి వల్ల తనకు ప్రాణహాని ఉందని ఇబ్రహీంపట్నం పోలీసులకు మూడు నెలల కిందట ఫిర్యాదు చేయగా కేసు నమోదైన సంఘటన తెలిసిందే. ఈ నేపథ్యంలో కారు ప్రమాద ఘటనపై జోగి రమేష్‌ ప్రమేయం ఉండవచ్చని మేఘన తండ్రి పోలీసుల వద్ద అనుమానం వ్యక్తం చేశారు. దీనిపై లోతుగా దర్యాప్తు చేయాలని కోరారు.

నేరాలు-ఘోరాలు

*ఎంపీటీసీ, జెడ్పీటీసీ నామినేషన్ల ప్రక్రియ సజావుగా సాగేలా పటిష్ట పోలీసు బందోబస్తు:

ఎస్పీ తుహిన్ సిన్హాఅనకాపల్లి టౌన్ అక్టోబర్ 23: రాష్ట్ర ఎన్నికల సంఘం ఆదేశాల మేరకు అనకాపల్లి జిల్లా వ్యాప్తంగా జరుగుతున్న ఎంపీటీసీ (MPTC), జెడ్పీటీసీ (ZPTC) సాధారణ ఎన్నికల నామినేషన్ల స్వీకరణ ప్రక్రియ ప్రశాంత వాతావరణంలో, నిష్పక్షపాతంగా నిర్వహించేందుకు జిల్లా పోలీసు యంత్రాంగం పూర్తి స్థాయిలో అన్ని చర్యలు తీసుకుందని అనకాపల్లి జిల్లా ఎస్పీ తుహిన్ సిన్హా ఒక ప్రకటనలో తెలిపారు.శాంతిభద్రతల పరిరక్షణ:* జిల్లాలోని అన్ని నామినేషన్ కేంద్రాల వద్ద పటిష్ట బందోబస్తు ఏర్పాటు చేయడమైనది. ఎవరూ ఎలాంటి ఆందోళనలు చెందాల్సిన అవసరం లేదు.*స్వేచ్ఛగా నామినేషన్ల దాఖలు:* ఎన్నికల్లో పోటీ చేయాలనుకునే అర్హులైన అభ్యర్థులెవరైనా ఎలాంటి భయభ్రాంతులకు గురికాకుండా, ప్రశాంత వాతావరణంలో వచ్చి నామినేషన్లు దాఖలు చేయవచ్చు.*రక్షణ కల్పన:* నామినేషన్ దాఖలు చేయకుండా ఎవరైనా బెదిరించినా, ఆటంకాలు లేదా అడ్డంకులు సృష్టించినా వెంటనే సంబంధిత స్థానిక పోలీసు అధికారులను లేదా జిల్లా పోలీసు కంట్రోల్ రూమ్‌ను సంప్రదించాలి. అటువంటి వారికి తక్షణమే తగిన వ్యక్తిగత భద్రత కల్పించి, నామినేషన్ కేంద్రానికి తీసుకెళ్లి నిర్ణీత గడువులోగా సజావుగా నామినేషన్ వేసేలా చర్యలు చేపడతాము.*చట్టపరమైన చర్యలు:* నామినేషన్ల దాఖలు ప్రక్రియకు ఎవరైనా ఆటంకం కలిగించినా, చట్టాన్ని చేతుల్లోకి తీసుకున్నా, శాంతిభద్రతలకు విఘాతం కలిగించాలని చూసినా వారిపై కఠిన చట్టపరమైన చర్యలు తప్పవని హెచ్చరించడమైనది.ప్రజాస్వామ్య పద్ధతిలో ఎన్నికలు సజావుగా, పారదర్శకంగా జరిగేందుకు ప్రజలు, అభ్యర్థులు పోలీసు యంత్రాంగానికి సహకరించాల్సిందిగా కోరడమైనది.

Ad: news_list_middle

వార్తలు

ఎన్నికల ఏర్పాట్లలో లోపాలు లేకుండా పటిష్ట చర్యలు చేపట్టండి .

- భీమిలి జోన్ లో పోలింగ్ కేంద్రాలు, స్ట్రాంగ్ రూమ్‌లు, డిస్ట్రిబ్యూషన్ సెంటర్లను పరిశీలించిన జీవీఎంసీ కమిషనర్ , అదనపు ఎన్నికల అధికారి కేతన్ గార్గ్.విశాఖపట్నం, అక్టోబర్ 23: మహా విశాఖపట్నం నగరపాలక సంస్థ రెండవ సాధారణ ఎన్నికలను ప్రశాంతంగా నిర్వహించేందుకు అధికారులు తగిన చర్యలు తీసుకోవాలని జీవీఎంసీ కమిషనర్, అదనపు ఎన్నికల అధికారి కేతన్ గార్గ్ అధికారులను ఆదేశించారు. శుక్రవారం ఆయన జీవీఎంసీ అదనపు కమిషనర్ పిఎం. సత్యవేణితో కలిసి భీమిలి జోన్ పరిధిలోని పోలింగ్ కేంద్రాలు, స్ట్రాంగ్ రూమ్‌లు, డిస్ట్రిబ్యూషన్ సెంటర్ ను సందర్శించి, సంబంధిత అధికారులకు పలు సూచనలు చేశారు.భీమిలి జోన్ పరిధిలోని ఐదు వార్డులకు సంబంధించి చేపట్టిన ఎన్నికల ఏర్పాట్లను కమిషనర్ పరిశీలించారు. సెయింట్ ఆన్స్ ఇంగ్లీష్ మీడియం పాఠశాల ఆవరణలో ఏర్పాటు చేసిన డిస్ట్రిబ్యూషన్ సెంటర్, స్ట్రాంగ్ రూమ్‌లు, అదే పాఠశాలలో ఏర్పాటు చేసిన పోలింగ్ కేంద్రాలను సందర్శించి, ఎన్నికల నిర్వహణకు సంబంధించిన ఏర్పాట్లను సమీక్షించారు. ఎన్నికల సామగ్రి పంపిణీ, భద్రపరచడం, పోలింగ్ సిబ్బంది విధుల నిర్వహణకు అవసరమైన ఏర్పాట్లలో ఎలాంటి లోపాలు లేకుండా చూడాలని అధికారులను ఆదేశించారు. భీమిలి జోన్ పరిధిలోని ఐదు వార్డులకు సంబంధించి మొత్తం 78 పోలింగ్ కేంద్రాలను ఏర్పాటు చేసినట్లు తెలిపారు. ఎన్నికల విధుల నిర్వహణ కోసం ఇద్దరు రిటర్నింగ్ అధికారులు, 84 మంది పోలింగ్ అధికారులు (పీఓలు), 84 మంది సహాయ పోలింగ్ అధికారులు (ఏపీఓలు), 263 మంది ఇతర పోలింగ్ సిబ్బందిని (ఓ పి ఓలు) నియమించినట్లు ఆయన తెలిపారు. ఎన్నికల విధులు పట్ల నిర్లక్ష్యంగా ఉన్న రిటర్నింగ్ అధికారి వి.సతీష్ రాజుకు షౌకాజ్ నోటీస్ ఇవ్వాలని అతని ప్రవర్తనలో ఎటువంటి మార్పు రానట్లయితే సస్పెండ్ చేసేందుకు వెనుకాడమని హెచ్చరించారు. రిటర్నింగ్ అధికారులు, రూట్ ఆఫీసర్లు, సెక్టార్ ఆఫీసర్లు, పోలీసులు పరస్పర అవగాహనతో విధులు నిర్వహించాలన్నారు. ఆర్వోలు నియమావళి పుస్తకాన్ని పూర్తిగా అవగాహన చేసుకుని విధుల నిర్వహణ లోపల లేకుండా పటిష్ట చర్యలు చేపట్టాలని ఆదేశించారు. ఎన్నికల సామాగ్రి డిస్ట్రిబ్యూషన్ సెంటర్లో హెల్ప్ డెస్క్, రిజిస్ట్రేషన్, పోలింగ్ ఆఫీసర్ల కౌంటర్లు, మైక్రో అబ్జర్వర్, వీడియో గ్రాఫర్ కౌంటర్లు, మైక్ అనౌన్స్మెంట్ వ్యవస్థను, ఫుడ్ కౌంటర్లను , పోలీస్ కౌంటర్లను ఏర్పాటు చేసి లోపాలు లేకుండా నిర్ణీత కాలంలో ఎన్నికల సామాగ్రి సరఫరా చేసే చర్యలు చేపట్టాలని జోనల్ కమిషనర్ విజయ్ కుమార్ కు కమిషనర్ ఆదేశించారు.అనంతరం తగరపువలస బంగ్లామెట్ట ప్రాంతంలోని జీవీఎంసీ ప్రాథమిక పాఠశాలలో ఏర్పాటు చేసిన పోలింగ్ కేంద్రాన్ని పరిశీలించారు. ఓటర్లు తమ ఓటు హక్కును సులభంగా వినియోగించుకునేలా తగిన ఏర్పాట్లు చేయాలని, పోలింగ్ కేంద్రాల్లో ఎలాంటి అసౌకర్యాలు కలగకుండా చూడాలని అధికారులకు సూచించారు. ఓటర్లకు అవసరమైన మౌలిక సదుపాయాలు కల్పించడంతో పాటు, ఎన్నికల నిబంధనలకు అనుగుణంగా అన్ని ఏర్పాట్లు పూర్తి చేయాలని స్పష్టం చేశారు. ఈ సందర్భంగా ఇంటింటికీ ఓటరు స్లిప్పుల పంపిణీ జరుగుతున్న తీరుపై బూత్ లెవెల్ అధికారులను అడిగి తెలుసుకొని పలు సూచనలు చేశారు. అర్హులైన ఓటర్లందరికీ సకాలంలో ఓటరు స్లిప్పులు అందేలా చర్యలు తీసుకోవాలని సూచించారు.ఈ పర్యటనలో భీమిలి జోన్ జోనల్ కమిషనర్ విజయకుమార్, పర్యవేక్షక ఇంజనీరింగ్ శాంతిరాజు, కార్యనిర్వాహక ఇంజనీర్ వెంకటవాసు, డీసీపీ వెంకటేశ్వరరావు, రిటర్నింగ్ అధికారులు తదితర అధికారులు పాల్గొన్నారు.