తాజా వార్తలు (Latest)
మీ కోసం సిఫార్సు చేయబడినవి (Recommended)
పోలీసులు FIR నమోదు చేయకపోతే బాధితుడు నేరుగా కోర్టును ఆశ్రయించవచ్చా ?
భారతరత్న మౌలానా అబ్దుల్ కలాం ఆజాద్ సేవలు చిరస్మరణీయం
అంబేద్కర్ ఆలోచనా విధానం,ఆచరణీయమే
రెడ్డిగూడెం ఎంపీపీగా ముప్పిడి నాగేశ్వర్ రెడ్డి
రతన్ టటా ఇన్నోవేషన్ హబ్ ద్వారా స్టార్టప్ కంపెనీలను ప్రొత్సహిస్తున్నాం
క్వాల్కామ్లో లేఆఫ్..!
ఎయిరిండియా విమానం నుంచి హైజాక్‌ అలర్ట్‌
జమ్మూకశ్మీర్‌లో సీఆర్పీఎఫ్‌ జవాన్లపై ఉగ్రదాడి
కేదార్‌నాథ్‌ ఆలయ ద్వారాలు మూసివేత
అస్సాంలో పట్టాలు తప్పిన కోల్‌కతా-సైరంగ్‌ ఎక్స్‌ప్రెస్‌
భారతరత్న మౌలానా అబ్దుల్ కలాం ఆజాద్ సేవలు చిరస్మరణీయం
అబ్దుల్ కలాం ఆజాద్ జయంతి సందర్భంగా ఘనంగా నివాళులర్పించిన ఎమ్మెల్యే బండారు సత్యానందరావు..కొత్తపేట : భారతరత్న మౌలానా అబుల్ కలాం ఆజాద్ సేవలు చిరస్మరణీయమని కొత్తపేట ఎమ్మెల్యే బండారు సత్యానందరావు కొనియాడారు. బుధవారం ఆయన జయంతి సందర్భంగా వాడపాలెం ఎమ్మెల్యే కార్యాలయంలో అబుల్ కలాం ఆజాద్ చిత్రపటానికి పూలమాలలు వేసి ఆయన నివాళులు అర్పించారు. ఈ సందర్భంగా ఆయన మాట్లాడుతూ భారత దేశపు తొలి విద్యా శాఖామంత్రిగా దేశంలో విద్యారంగ అభివృద్ధికి అబుల్ కలాం ఆజాద్ పునాదులు వేసారన్నారు. ఆయన దూరదృష్టి ఫలితంగా భారతదేశంలో విద్యాభివృద్ధి నేడు ఇంత ఉన్నత స్థాయికి చేరిందని కొనియాడారు. నేటి యువత ఆయన జీవితాన్ని ఆదర్శంగా తీసుకొని ముందడుగు వేయాలని సూచించారు.
అంబేద్కర్ ఆలోచనా విధానం,ఆచరణీయమే
ఎచ్చెర్ల (న్యూస్ వన్ ప్రతినిధి) : శ్రీకాకుళం జిల్లా ఎచ్చెర్ల మండలంలోని డాక్టర్ బి.ఆర్ అంబేద్కర్ యూనివర్సిటీలో ప్రజాస్వామ్యానికి డాక్టర్ బి ఆర్ అంబేద్కర్ ఆలోచన విధానం ఎప్పుడూ అవసరమే అని ఢిల్లీ యూనివర్సిటీ ఫిలాసఫీ ప్రొఫెసర్ పెరికల కేశవ కుమార్ అన్నారు. దేశంలో ఇప్పుడు జరుగుతున్న ఉద్యమాలు అన్నింటికీ అయన ఆలోచన విధానలే ప్రేరణ అని పేర్కొన్నారు. అంబేద్కర్ :ప్రజాస్వామ్యం, సమానత్వం, సామాజిక న్యాయం అన్న అంశం పై డాక్టర్ బి ఆర్ అంబేద్కర్ యూనివర్సిటీ లో బుధవారం ప్రారంభమైన రెండు రోజుల జాతీయ సదస్సులో ప్రొ. కేశవ కుమార్ ప్రధాన వక్త గా పాల్గొన్నారు. ప్రపంచీకరణ నేపథ్యంలో అంతర్జాతీయంగా జరుగుతున్న ఉద్యమాలకు, అంబేద్కర్ భావ జాలానికి మధ్య గల సంబంధాలను ఆయన వివరించారు. అంబేద్కర్ ప్రవచించిన తాత్విక సిద్ధాంతం తోనే ప్రజాస్వామ్య మనుగడ సాధ్యమవుతుందని ప్రొఫెసర్ కేశవ కుమార్ చెప్పారు. సమాజం లో ఆధిపత్యం, అణచివేత, హక్కుల ఉల్లంఘన కొనసాగినంత కాలం అంబేద్కర్ అవసరం మరింతగా ఉంటుందని అయన అన్నారు. ముఖ్య అతిథిగా హాజరైన యోగి వేమన యూనివర్సిటీ వైస్ ఛాన్సలర్ ప్రొఫెసర్ బెల్లంకొండ రాజశేఖర్ మాట్లాడుతూ దేశ విదేశాల్లోని చాలా మందికి అంబేద్కర్ రోల్ మోడల్ గా ఉన్నారని అన్నారు. అయన సమాజాన్ని విమర్శ నాత్మకంగా విశ్లేషించి సమస్యలకు పరిష్కారం చూపించారని చెప్పారు. డాక్టర్ బి ఆర్ అంబేద్కర్ యూనివర్సిటీ వీసీ ప్రొఫెసర్ కె. ఆర్. రజని మాట్లాడుతూ అంబేద్కర్ స్ఫూర్తితో యువత ముందుకు సాగాలని కోరారు. చదువుకు అంబేద్కర్ ఇచ్చిన ప్రాధాన్యతను విద్యార్థులు తెలుసుకోవాలని సూచించారు. వర్సిటీ రిజిస్ట్రార్ ప్రొఫెసర్ బి. అడ్డయ్య మాట్లాడుతూ వర్తమానంలో అంబేద్కర్ ఆలోచన సరళి ఎలాంటి ప్రభావం చూపుతుందో వివరించారు. అంబేద్కర్ స్టడీ కేంద్రం డైరెక్టర్. డాక్టర్ జి. పద్మారావు మాట్లాడుతూ సాధారణ వ్యక్తి నుంచి మహోన్నత శిఖరాలకు అంబేద్కర్ ఎలా ఎదిగారో వివరించారు. ఈ సందర్బంగా అంబేద్కర్ పై ప్రత్యేక సావనీర్ ను ఆవిష్కరించారు. ఈ కార్యక్రమంలో యూనివర్సిటీ సిబ్బంది స్టూడెంట్స్ పాల్గొన్నారు.
రెడ్డిగూడెం ఎంపీపీగా ముప్పిడి నాగేశ్వర్ రెడ్డి
ఎంఎన్ఆర్ ఫౌండేషన్ ద్వారా విద్యార్థులకు విద్యా సహకారం.. ప్రజలకు నిరంతరం అండగా నిలుస్తూ రాజకీయ ప్రస్థానంరెడ్డిగూడెం: నవంబర్ 11 న్యూస్ వన్ ప్రతినిధి. ప్రజాసేవే పరమావధిగా, విద్యార్థుల అభ్యున్నతే లక్ష్యంగా ముందుకు సాగుతున్న ముప్పిడి నాగేశ్వర్ రెడ్డి రెడ్డిగూడెం మండల పరిషత్ అధ్యక్షుడిగా (ఎంపీపీ) ఎన్నికయ్యారు. తెలుగుదేశం పార్టీ మండల అధ్యక్షుడిగా పార్టీ బలోపేతానికి కృషి చేస్తూ, ప్రజలతో మమేకమై వారి సమస్యల పరిష్కారానికి నిరంతరం కృషి చేస్తున్నారు.ఎంఎన్ఆర్ ఫౌండేషన్ ద్వారా విద్యార్థులకు విద్యాపరమైన సహాయ సహకారాలు అందిస్తూ, స్టడీ మెటీరియల్ పంపిణీ చేయడం ద్వారా విద్యార్థుల చదువుకు అండగా నిలుస్తున్నారు. విద్యార్థులు ఉన్నత విద్యను అభ్యసించి భవిష్యత్తులో మంచి స్థాయికి చేరుకోవాలనే లక్ష్యంతో విద్యా సేవా కార్యక్రమాలను కొనసాగిస్తున్నారు. అలాగే పిల్లలకు నుండి వృద్ధుల వరకు కంటి చూపు కోసం క్యాంపులో నిర్వహిస్తూ ప్రజల హృదయాల్లో మంచి నాయకుడిగా గుర్తింపు పొందుతూఅదేవిధంగా మండలంలోని ప్రజలకు తనవంతు సహాయ సహకారాలు అందిస్తూ, సామాజిక సేవలో ముందుంటూ ప్రజల ఆదరాభిమానాలను పొందుతున్నారు. ప్రజల నమ్మకాన్ని నిలబెట్టుకుంటూ సేవా కార్యక్రమాల ద్వారా ప్రత్యేక గుర్తింపు సంపాదించుకున్నారు.రెడ్డిగూడెం మండలంలో కూటమి బలపరిచిన తెలుగుదేశం పార్టీ అభ్యర్థిగా విజయం సాధించి ఎంపీపీగా ఎన్నికైన ముప్పిడి నాగేశ్వర్ రెడ్డి, మండల అభివృద్ధితో పాటు విద్యా, సామాజిక రంగాల్లో మరింత సేవలందించాలని ప్రజలు ఆకాంక్షిస్తున్నారు.
రతన్ టటా ఇన్నోవేషన్ హబ్ ద్వారా స్టార్టప్ కంపెనీలను ప్రొత్సహిస్తున్నాం
*ఆవిష్కరణలకు మరింత ప్రొత్సాహాన్నిచ్చేలా వరల్డ్ ఇంటెలెక్చ్యువల్ ప్రాపర్టీ ఆర్గనైజేషన్ సహకారించాలి**స్టార్టప్‌లకు మేధో సంపత్తి హక్కులపై WIPO ప్రతినిధులతో సీఎం చంద్రబాబు చర్చలు**విశాఖపట్నం, నవంబర్ 11:* ఆవిష్కరణలు, పరిశోధన, సృజనాత్మకతకు అంతర్జాతీయ స్థాయిలో గుర్తింపు తీసుకురావడం, రాష్ట్రంలోని స్టార్టప్‌లు-పారిశ్రామికవేత్తలకు మేధో సంపత్తి హక్కులపై అవగాహన పెంపొందించడం లక్ష్యంగా ముఖ్యమంత్రి చంద్రబాబు నాయుడు, వరల్డ్ ఇంటెలెక్చువల్ ప్రాపర్టీ ఆర్గనైజేషన్-WIPO డైరెక్టర్ జనరల్ డారెన్ టాంగ్‌తో సమావేశమయ్యారు. గురువారం నుంచి రెండు రోజుల పాటు సీఐఐ భాగస్వామ్య సదస్సులో జరగనున్న నేపథ్యంలో ముఖ్యమంత్రి చంద్రబాబు విశాఖ చేరుకున్నారు. నోవోటెల్ హోటల్లో వరుస సమావేశాలు నిర్వహించారు. దీంట్లో భాగంగా సీఎం చంద్రబాబు WIPO డీజీతో భేటీ అయ్యారు. WIPO–ఆంధ్రప్రదేశ్ అకాడమీ ఏర్పాటు, భాగస్వామ్య కార్యక్రమం ద్వారా విద్యార్థులు, పరిశోధకులు, స్టార్టప్ వ్యవస్థాపకులు, సూక్ష్మ-చిన్న-మధ్యతరహా పరిశ్రమలకు మేధో సంపత్తి హక్కులు (IPR), పేటెంట్లు, ట్రేడ్‌మార్క్‌లు, డిజైన్లు, సాంకేతిక పరిజ్ఞాన పరిరక్షణపై శిక్షణ అందించే అవకాశాలను చర్చించారు. రాష్ట్రంలోని చేనేత, హస్తకళలు, స్థానిక ఉత్పత్తులకు భౌగోళిక గుర్తింపు (GI Tag) సాధించడం, ఇప్పటికే గుర్తింపు పొందిన ఉత్పత్తుల మార్కెట్ విస్తరణ, వాటి నాణ్యత-బ్రాండింగ్‌ను అంతర్జాతీయ స్థాయికి తీసుకెళ్లే అంశాలపై WIPO సహకారాన్ని ముఖ్యమంత్రి కోరారు. రాష్ట్రంలో స్టార్టప్ కంపెనీలను ప్రోత్సహించేందుకు రతన్ టాటా ఇన్నోవేషన్ హబ్ ద్వారా యువతకు సహకరిస్తున్నామని తెలిపారు. స్టార్టప్ కంపెనీలకు మరింత ప్రొత్సాహాన్నిచ్చేలా... రాష్ట్ర ప్రభుత్వంతో కలిసి పని చేసేందుకు ముందుకు రావాలని WIPO ప్రతినిధులను సీఎం చంద్రబాబు ఆహ్వానించారు. *స్టార్టప్ ఎకోసిస్టమ్ బలోపేతమే లక్ష్యం*WIPO డైరెక్టర్ జనరల్ డారెన్ టాంగ్‌తో భేటీ సందర్భంగా రాష్ట్రంలో అమలు చేస్తున్న వివిధ పాలసీల గురించి చర్చించారు. ముఖ్యంగా స్టార్టప్ ఎకో సిస్టం బలోపేతం చేసే దిశగా ప్రభుత్వం చేపడుతున్న విధానాలను వివరించారు. రాష్ట్రంలో పారిశ్రామికాభివృద్ధి కోసం సదస్సులు అద్భుతంగా నిర్వహిస్తున్నారని డారెన్ టాంగ్ చంద్రబాబుతో అన్నారు. అనేక రంగాల్లో ప్రముఖులను, ప్రముఖ సంస్థలను ఒకే వేదికపైకి తీసుకురావడం మంచి పరిణామమని... దీని వల్ల వివిధ రంగాలకు సంబంధించిన అంశాలపై అందరికీ అవగాహన కలుగుతుందని అభిప్రాయపడ్డారు. తాము ఇప్పటికే ఏపీలో జరుగుతున్న వివిధ కార్యక్రమాల గురించి విన్నామని... క్వాంటం టెక్నాలజీని ప్రొత్సహించడంలో ఏపీ ముందు వరుసలో ఉందని... అమరావతి క్వాంటం గురించి కూడా తమకు అవగాహన ఉందని డారెన్ టాంగ్ ముఖ్యమంత్రి దగ్గర ప్రస్తావించారు. ఏపీని మూడు రీజియన్లుగా అభివృద్ధి చేసేలా కార్యాచరణ చేపట్టినట్టు సీఎం చంద్రబాబు డారెన్ టాంగ్‌కు వివరించారు. క్వాంటం, ఏఐ వంటి టెక్నాలజీలను అందిపుచ్చుకునేలా ఏపీ యువతను సిద్ధం చేస్తున్నామని సీఎం చంద్రబాబు వివరించారు. ప్రైవేటు రంగంతో పాటు.. పాలనలో కూడా టెక్నాలజీని వినియోగించడం ద్వారా ప్రగతి సాధించడంతోపాటు... ప్రభుత్వ సేవలు ప్రజలకు సులభతరంగా అందించేలా చేస్తున్నామన్నారు. గ్రీన్ ఎనర్జీ, స్పేస్ టెక్నాలజీ, క్వాంటం, నాచురల్ ఫార్మింగ్ సహా అనేక రంగాల్లో ఏపీలో పెట్టుబడులకు అపార అవకాశాలు ఉన్నాయని సీఎం తెలిపారు. మహిళా సాధికారతకు పెద్దపీట వేస్తున్నామని... 10 లక్షల మంది మహిళలను వ్యాపార వేత్తలుగా చేయాలని లక్ష్యంగా పెట్టుకున్నామని తెలిపారు. స్థానికంగా మహిళలు తీర్చిదిద్దే ఉత్పత్తులకు స్వయం ఏపీ పేరుతో బ్రాండింగ్ చేస్తున్నామని ముఖ్యమంత్రి వివరించారు. మహిళా సాధికారత కోసం తాము అమలు చేసే విధానాల్లో WIPO భాగస్వాములు కావాలని కోరారు. ఈ సమావేశంలో WIPO ప్రతినిధుల, వివిధ శాఖల ఉన్నతాధికారులు పాల్గొన్నారు.
క్వాల్కామ్లో లేఆఫ్..!
-----ప్రపంచవ్యాప్తంగా 3600 ఉద్యోగుల తొలగింపు..?-----భారత్‌లో 1000 మందిపై ప్రభావం..!హైదరాబాద్ : టెక్ రంగంలో ఉద్యోగుల కోతలు కొనసాగుతూనే ఉన్నాయి. ప్రముఖ చిప్ తయారీ సంస్థ క్వాల్‌కామ్ ప్రపంచవ్యాప్తంగా ఉన్న తన ఉద్యోగుల తొలగింపుకు శ్రీకారం చుట్టింది. ఇందులో భాగంగా భారత్‌లో సుమారుగా 1000 మంది ఉద్యోగుల్ని తొలగించే ఛాన్స్ ఉందని నివేదికలు వెల్లడిస్తున్నాయి. ఉద్యోగాల కోతలకు సంబంధించి అధికారికంగా కంపెనీ ఎలాంటి ప్రకటన చేయనప్పటికీ, ఉద్యోగులు పరిహార ప్యాకేజ్ గురించి చర్చించుకుంటున్నారు.ప్రపంచవ్యాప్తంగా క్వాల్‌కామ్ కంపెనీలో సుమారు 52 వేల మంది పనిచేస్తున్నారు. 7 శాతం మందిని తొలగించేందుకు సిద్ధమైనట్లు తెలుస్తోంది. దీని వల్ల 3600 మంది ఉద్యోగాలు పోతాయి. భారత్‌లో బెంగళూర్, హైదరాబాద్, ఢిల్లీ, చెన్నై రీజినల్ ఆఫీసుల్లో పనిచేసేవారు తమ ఉద్యోగాలను కోల్పోతున్నారు. భారత్‌లో 1000 మంది తమ ఉద్యోగాలను కోల్పోయే అవకాశం ఉంది.క్వాల్కామ్లో లేఆఫ్‌కు గురైన కొందరు ఉద్యోగులు తమకు అందించే సెవరెన్స్ ప్యాకేజ్ గురించి చర్చించుకుంటున్నారు. మూడు నెలల జీతంతో పాటు సంస్థలో పనిచేసిన ప్రతీ ఏడాదికి అదనంగా ఒక నెల జీతం చెల్లించే విధంగా ప్లాన్ చేసినట్లు తెలుస్తోంది. రెండు మూడు రోజుల్లో తొలగింపు పత్రాలపై సంతకాలు చేసి సమర్పిస్తే మరో నెల జీతం అదనంగా ఇస్తామని సంస్థ చెప్పినట్లు ఉద్యోగులు మాట్లాడుకుంటున్నారు.ఉద్యోగుల తొలగింపుకు వ్యక్తిగత పనితీరు కారణం కాదని, వ్యాపార అవసరాల ఆధారంగానే లేఆఫ్ ప్రకటిస్తున్నట్లు కంపెనీ నిర్ణయం తీసుకుందని రెడ్డిట్‌లో ఓ ఉద్యోగి చెప్పారు. ఏఐపై పెట్టుబడులు, ఖర్చుల తగ్గింపులో భాగంగానే ఈ నిర్ణయాలు తీసుకుని ఉండొచ్చని మరో ఉద్యోగి అనుమానిస్తున్నారు. క్వాల్‌కామ్ సీఈఓ క్రిస్టియానో అమోన్ గత నెలలో ఉద్యోగులకు పంపిన మెమోలో ప్రపంచవ్యాప్తంగా ఉద్యోగుల పనితీరు ఆధారంగా తొలగింపులు చేపట్టనున్నట్లు వెల్లడించారు. మరోవైపు, డేటా సెంటర్లు, ఏఐ, కనెక్టెడ్ డివైజెస్ వంటి కొత్త రంగాల్లో వ్యాపారాన్ని విస్తరించేందుకు సంస్థ ప్రయత్నిస్తోంది. Layoffs.fyi ట్రాకర్ ప్రకారం.. ఈ ఏడాది ఇప్పటివరకు 350 టెక్ కంపెనీల్లో 1.42 లక్షలకు పైగా ఉద్యోగాలు పోయాయి.
ఎయిరిండియా విమానం నుంచి హైజాక్‌ అలర్ట్‌
ముంబయి : ఎయిరిండియాకు చెందిన ఓ విమానం నుంచి హైజాక్‌ అలర్ట్‌ రావడం తీవ్ర కలకలం రేపింది. కోల్‌కతా ఎయిర్‌పోర్టు నుంచి ముంబయి వెళ్లేందుకు సిద్ధంగా ఉన్న ఈ విమానం లో బెదిరింపు నోట్‌ కన్పించింది. విమాన వాష్‌రూమ్‌లో హైజాక్‌ను సూచిస్తూ ఉన్న సందేశాన్ని గుర్తించిన పైలట్‌ వెంటనే ఎయిర్‌ ట్రాఫిక్‌ కంట్రోల్‌కు అలర్ట్‌ ఇచ్చారు.అప్రమత్తమైన ఎయిర్‌పోర్టు సిబ్బంది వెంటనే టేకాఫ్‌ను నిలిపివేసి.. విమానాన్ని ఐసోలేషన్‌ ప్రాంతానికి తరలించారు. ప్రయాణికులను దించేసి ముమ్మర తనిఖీలు చేపట్టినట్లు కోల్‌కతా ఎయిర్‌పోర్టు డైరెక్టర్ విక్రమ్‌ సింఘ్‌ తెలిపారు. షెడ్యూల్‌ ప్రకారం ఈ విమానం ఉదయం 10.20 గంటలకు ముంబయికి టేకాఫ్‌ అవ్వాల్సి ఉంది. అయితే, ఆ బెదిరింపు నోట్‌లో ఉదయం 11.10 గంటలకు విమానాన్ని హైజాక్‌ చేస్తామని రాసి ఉన్నట్లు విక్రమ్‌ సింగ్‌ వెల్లడించారు. విమానంలో 105 మంది ప్రయాణికులు, సిబ్బంది ఉన్నారు. ఘటనపై పోలీసులు, సెక్యూరిటీ ఏజెన్సీలు దర్యాప్తు చేపట్టాయి. దీనిపై ఎయిరిండియా ఇంకా స్పందించలేదు.
జమ్మూకశ్మీర్‌లో సీఆర్పీఎఫ్‌ జవాన్లపై ఉగ్రదాడి
కుల్గాం : జమ్మూకశ్మీర్‌లో మరోసారి ఉగ్రదాడి కలకలం రేపింది. కుల్గాం జిల్లాలోని సీఆర్పీఎఫ్‌ క్యాంప్‌పై బుధవారం ఉగ్రవాదులు దాడి చేశారు. ద్విచక్రవాహనంపై వచ్చిన ఇద్దరు ఉగ్రవాదులు.. భద్రతా సిబ్బందిపై కాల్పులు జరిపారు. దీంతో సీఆర్పీఎఫ్‌ జవాన్లు ఎదురుకాల్పులు జరపగా.. ఉగ్రవాదులు అక్కడి నుంచి పరారయ్యారు.ఈ ఘటనలో ముగ్గురు సీఆర్పీఎఫ్‌ జవాన్లు గాయపడ్డారు. వీరిలో ఇద్దరి పరిస్థితి విషమంగా ఉన్నట్లు తెలుస్తోంది. ఉగ్రవాదుల కోసం భద్రతా దళాలు ముమ్మరంగా గాలిస్తున్నాయి. క్విక్‌ రియాక్షన్‌ టీమ్‌తో కలిసి క్యాంప్ చుట్టుపక్కల ప్రాంతాల్లో కార్డన్‌ సెర్చ్‌ చేపట్టాయి. నిందితులను పాకిస్థానీ ముఠాకు చెందిన ఉగ్రవాదులుగా అనుమానిస్తున్నారు.
కేదార్‌నాథ్‌ ఆలయ ద్వారాలు మూసివేత
ఉత్తరాఖండ్‌: శీతాకాలం నేపథ్యంలో ప్రముఖ శైవ క్షేత్రం కేదార్‌నాథ్‌ ఆలయ తలుపులు బుధవారం ఉదయం 8.30 గంటలకు మూసుకున్నాయి. అంతకుముందే అధికారులు, పూజారులు సంప్రదాయ పద్ధతిలో గర్భాలయం, దక్షిణ ద్వారం మూసివేశారు. అనంతరం పంచముఖి డోలీలో కేదార్‌నాథుడిని తూర్పు ద్వారం నుంచి బయటకు తీసుకొచ్చి ద్వారాలను మూసివేశారు. ఈ మహాక్రతువులో వేలాది మంది భక్తులు పాల్గొన్నారు. స్వామివారి ప్రతిమను ఉఖీమఠ్‌కు తరలించి 6 నెలల పాటు అక్కడే పూజలు నిర్వహిస్తారు.
అస్సాంలో పట్టాలు తప్పిన కోల్‌కతా-సైరంగ్‌ ఎక్స్‌ప్రెస్‌
అస్సాం : కోల్‌కతా-సైరంగ్‌ ఎక్స్‌ప్రెస్‌ అస్సాంలోని కామ్‌రూప్‌ జిల్లాలోని డిగార్‌ రైల్వే స్టేషన్‌ వద్ద ప్రమాదానికి గురైంది. ప్రయాణికులు ఉన్న ఆరు బోగీలు పట్టాలు తప్పాయి. దీనిపై నార్త్‌ఈస్ట్‌ ఫ్రాంటియర్‌ రైల్వే సీపీఆర్వో మాట్లాడుతూ ఈ ఘటన ఉదయం 6.54 సమయంలో చోటుచేసుకొన్నట్లు వెల్లడించారు. ఈ ప్రమాదంలో పలువురు గాయపడ్డారు. ఇప్పటికే సీనియర్‌ అధికారులు ఘటనా స్థలానికి బయల్దేరారు. గువాహటికి 30 కిలోమీటర్ల దూరంలో ఈ ఘటన జరిగింది. ఈ ప్రమాదంలో ఇంజిన్‌తో సహా ఆరు కోచ్‌లు పట్టాలు తప్పాయి. గువాహటి స్టేషన్‌ నుంచి బయల్దేరిన కొద్దిసేపటికే రైలు ప్రమాదానికి గురైంది. ఈ రైలు మంగళవారం ఉదయం కోల్‌కతా స్టేషన్‌ నుంచి బయల్దేరింది. ఇది నేటి మధ్యాహ్నానికి మిజోరంలోని సైరంగ్‌కు చేరుకోవాల్సి ఉంది. ఈ రైలు ఒక లైన్‌ నుంచి మరో లైన్‌కు మారుతున్న వేళ తలెత్తిన సాంకేతిక సమస్య కారణంగా పట్టాలు తప్పి ఉండవచ్చని అనుమానిస్తున్నారు.
ధన్‌ఖడ్‌కు తీవ్ర అస్వస్థత.. ఎయిమ్స్‌లో చేరిక
న్యూ ఢిల్లీ ; మాజీ ఉపరాష్ట్రపతి జగదీప్‌ ధన్‌ఖడ్‌ తీవ్ర అస్వస్థతకు గురైనట్లు సమాచారం. మార్నింగ్‌ వాక్‌ చేస్తుండగా ఆయన స్పృహతప్పి పడిపోయినట్లు సంబంధిత వర్గాలు వెల్లడించాయి. కొన్ని నిమిషాలపాటు అపస్మారక స్థితిలోకి వెళ్లడంతో.. భద్రతా సిబ్బంది వెంటనే ఆయన్ను ఇంటికి తీసుకెళ్లారు. అక్కడే వైద్య బృందం చికిత్స అందించారు.అయితే, పరిస్థితి ఆందోళనకరంగా ఉండటంతో.. హుటాహుటిన అంబులెన్స్‌లో ఎయిమ్స్‌కు తరలించారు. ఆయన్ను ఆసుపత్రిలోని కార్డియో-న్యూరో సెంటర్‌లో చేర్పించారని, ప్రస్తుతం కార్డియాలజీ విభాగం పర్యవేక్షణలో చికిత్స పొందుతున్నట్లు సమాచారం. ఆయన ఆరోగ్య పరిస్థితికి సంబంధించిన వివరాలు తెలియాల్సి ఉంది. ఇదిలా ఉండగా.. ధన్‌ఖడ్‌ 2022 ఆగస్టు నుంచి 2025 జులై వరకు ఉపరాష్ట్రపతిగా పనిచేశారు.
రాప్తాడు నిందితుడి కాలు భద్రపరచండి : ఏపీ హైకోర్టు
విజయవాడ : రాప్తాడులో పదో తరగతి విద్యార్థినిపై దాడి కేసులో ఏపీ హైకోర్టు కీలక ఆదేశాలు జారీ చేసింది. ఈ కేసులో నిందితుడైన హేమంత్ (21)కు సర్జరీ ద్వారా తొలగించిన అతని కుడి కాలును సేఫ్‌గా ఉంచాలని అనంతపురం ప్రభుత్వ సర్వజన ఆస్పత్రిని ఆంధ్రప్రదేశ్ హైకోర్టు ఆదేశించింది. నిందితుడు హేమంత్‌పై పోలీసులు జరిపిన కాల్పుల ఘటనపై సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) విచారణ కోరుతూ దాఖలైన పిటిషన్‌పై ప్రధాన న్యాయమూర్తి లీసా గిల్, జస్టిస్ చల్లా గుణరంజన్‌లతో కూడిన ధర్మాసనం విచారించింది. ఈ సందర్భంగా హైకోర్టు ఈ ఉత్తర్వులను జారీ చేసింది. అలాగే ఈ పిటిషిన్‌పై కౌంటర్ అఫిడవిట్లు దాఖలు చేయాలని కూడా ధర్మాసనం ప్రభుత్వాన్ని ఆదేశించి, ఈ విచారణను డిసెంబర్ 30కి వాయిదా వేసింది.నిందితుడు హేమంత్ అక్టోబర్ 31వ తేదీన పాఠశాలలోకి చొరబడి ఎలక్ట్రిక్ రంపంతో అమ్మాయిపై దాడికి పాల్పడ్డాడు. అయితే ఈ దాడిలో ఆ బాలిక తీవ్రంగా గాయపడింది. సత్వర వైద్య సేవల వల్ల ఆ బాలిక ప్రాణాలతో బయటపడింది. ప్రస్తుతం బెంగళూరులోని మణిపాల్ ఆస్పత్రిలో చికిత్స పొందుతుంది. ఈ దాడి ఘటనను సీరియస్‌గా తీసుకున్న ప్రభుత్వం వెంటనే చర్యలకు పూనుకుంది. పోలీసులు ఆత్మకూరు అడవిలో హేమంత్‌ను అదుపులోకి తీసుకున్నారు. అయితే క్రైమ్ సీన్ రీకన్‌స్ట్రక్షన్ కోసం హేమంత్‌ని తీసుకెళ్లగా.. అక్కడ పోలీసు సిబ్బందిపై రాళ్లు విసిరి వారిని గాయపరిచాడని, దీంతో పోలీసులు నిందితుడిపై కాల్పులు జరపగా అతని కాలికి గాయాలయ్యాయని పోలీసులు తెలిపారు. అయితే రక్తనాళాలు దెబ్బతినడం వల్ల గ్యాంగ్రీన్ ఏర్పడటంతో, అనంతపురం జిల్లా ఆస్పత్రిలోని వైద్యులు హేమంత్ కుడి కాలును తొలగించడం జరిగింది. నిందితుడు ఆస్పత్రిలో చికిత్స పొందుతున్నాడు.అయితే నిందితుడి హేమంత్‌పై పోలీసుల కాల్పలను అనుమానాలు వ్యక్తం చేస్తూ.. దీనిపై సీబీఐ విచార జరిపించాలని కోరుతూ మంగళగిరికి చెందిన న్యాయవాది గుండ గోపీకృష్ణ పిల్ వేశారు. కాగా ఈ కేసులో విద్యాశాఖ అధికారులను ప్రతివాదులుగా చేర్చాలన్న అభ్యర్థనను మాత్రం కోర్టు తిరస్కరించింది. ఈ పిల్ విచారణ సమయంలో నిందితుడు హేమంత్‌ను జ్యుడిషియల్ కస్టడీకి రిమాండ్ చేశారని, అతనికి చికిత్స జరుగుతోందని ప్రత్యేక ప్రభుత్వ లాయర్ ఎస్.ప్రణతి కోర్టుకు తెలియజేశారు. నిబంధనల ప్రకారం, తొలగించిన కాలుకు ఫోరెన్సిక్ పరీక్ష జరుగుతోందని కూడా ఆమె వెల్లడించారు.
ట్రెండింగ్ వార్తలు (Trending)
ప్రభుత్వ ఎక్స్ గ్రేషియో చెక్కును బాధితలకు అందించిన ఎమ్మెల్యే వంశీకృష్ణ
2రాష్ట్ర ముఖ్య‌మంత్రికి ఘ‌న స్వాగతం
3జీవీఎంసీ పరిధిలో అనధికార లేఔట్లను క్షుణ్ణంగా పరిశీలించండి
4పెట్రోల్, డీజిల్ ధరల పెంపుపై వైసీపీ నిరసనలు హాస్యాస్పదం
5బంగాళాఖాతంలో అల్పపీడనం..నెలాఖరున వర్షాలు
Classifieds & Jobs
View Allస్థానిక వాతావరణం (Local Weather)
వాతావరణ వివరాలను సేకరిస్తోంది...
స్థానాన్ని గుర్తించలేకపోయాము.
ప్రత్యేక వీడియోలు
View All
.jpeg)
.jpeg)
