విశాఖపట్నం: దసరా పండగ నేపథ్యంలో ప్రయాణికుల సౌకర్యార్థం విజయవాడ- విశాఖపట్నం మధ్య ప్రత్యేక రైళ్లు నడపాలని రైల్వేశాఖ నిర్ణయించింది. ఈ నెల 17న (శనివారం) విశాఖ-విజయవాడ మధ్య, 19న (సోమవారం) విజయవాడ-విశాఖ మధ్య జనసాధారణ్‌ ప్రత్యేక రైళ్లు నడవనున్నట్లు వెల్లడించింది. ఈ రైళ్లు దువ్వాడ, అనకాపల్లి, తుని, సామర్లకోట, రాజమహేంద్రవరం, తాడేపల్లిగూడెం, ఏలూరు స్టేషన్లలో ఆగనున్నాయి. మరోవైపు ఈ నెల 17, 18 తేదీల్లో విజయవాడ-పలాస.. 18, 19 తేదీల్లో పలాస-విజయవాడ మధ్య జనసాధారణ్‌ ప్రత్యేక రైళ్లు నడపనున్నారు.